ଢେଙ୍କାନାଳ ୨୨।୦୫:  ଯୁବକଙ୍କୁ କଚାଡି ମାରିଲା ହାତୀ । ମୃତକ ହେଲେ ହିନ୍ଦୋଳ ଉପଖଣ୍ଡର ରାସୋଳ ଥାନା ଚିତଲପୁରର ନାଭ ପ୍ରଧାନ । ଢେଙ୍କାନାଳ ଜିଲ୍ଲା ହିନ୍ଦୋଳ ବନାଞ୍ଚଳର ବୁହାଳିପାଳ ନିକଟରେ ଘଟିଛି ଏହି ଘଟଣା ।

ଖବର ଅନୁଯାୟୀ, ନାଭ ଶନିବାରଠାରୁ  ଘରୁ ସାଇକେଲ ଯୋଗେ ବାହାରି ବନ୍ଧୁ ଘରକୁ ଯାଉଥିଲେ। ମାତ୍ର ଆଉ ଘରକୁ ଫେରିନଥିଲେ । ବାଟରେ ସେ ହାତୀ ହାବୁଡରେ ପଡି ଯିବାରୁ ହାତୀ ତାଙ୍କୁ କଚାଡି ମାରି ଦେଇଥିଲା । ମୃତ୍ୟୁର ଦିନକ ପରେ ମୃତଦେହ ଠାବ ହୋଇଛି । ସ୍ଥାନୀୟ ଲୋକଙ୍କ ଠାରୁ ଖବର ପାଇ ବନ କର୍ମଚାରୀ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛନ୍ତି।