ଢେଙ୍କାନାଳ ୦୭।୦୫ : କପିଳାଶ ଦର୍ଶନ କରିବାକୁ ଆସିଥିଲେ । ଫେରିବା ରାସ୍ତାରେ ଘଟିଲା ଦୁର୍ଘଟଣା । ଆଉ ଚାଲିଗଲା ଜଣଙ୍କ ଜୀବନ । ଏହାସହିତ ଅନ୍ୟ ୪ଜଣ ଗୁରୁତର ହୋଇଛନ୍ତି । ସେମାନଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ମୃତ ଯୁବକ ଜଣଙ୍କ ଅନୁଗୁଳ ତଳମୂଳ ଗାଁର ସୁଜିତ ସିଠ୍ ବୋଲି ଜଣାପଡିଛି । ଢେଙ୍କାନାଳ ଜିଲ୍ଲା କପିଳାଶ ବାରବାଙ୍କ ରାସ୍ତା ନିକଟରେ ଘଟିଛି ଏହି ଦୁର୍ଘଟଣା ।
ଖବର ଅନୁଯାୟୀ, ଅନୁଗୁଳ ତଳମୂଳ ଗାଁରୁ ଏକ ଅଟୋରେ ୧୦ ଜଣ ଯୁବକ କପିଳାଶ ଦର୍ଶନ କରିବାକୁ ଯାଉଥିଲେ । ବାରବାଙ୍କ ରାସ୍ତା ୧୧ ନମ୍ବର ବାଙ୍କରେ ହଠାତ୍ ଅଟୋଟି ଭାରସାମ୍ୟ ହରାଇ ପାଚେରୀରେ ଧକ୍କା ହୋଇଥିଲା । ଯାହାଫଳରେ ଅଟୋଟି ଓଲଟିପଡିଥିଲା । ଏଥିରେ ଜଣେ ଯୁବକଙ୍କର ଚାପି ହୋଇ ମୃତ୍ୟୁ ହୋଇଥିବା ବେଳେ ୪ଜଣ ଗୁରୁତର ହୋଇଛି । ସେପଟେ ଦୁର୍ଘଟଣା ସଂପର୍କରେ ଖବର ଗଁଦିଆ ପୋଲିସ ଘଟଣାସ୍ଥଳରେ ପହଞ୍ଚି ଗୁରୁତର ଯୁବକଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରିଛି ।
