scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ସୈତାନ ପୁଅର ନାରକୀୟକାଣ୍ଡ, ନୂଆବର୍ଷରେ ନେଲା ବାପାର ଜୀବନ

2/01/2023 at 9:04 AM

ଦେବଗଡ଼ ୦୨।୦୧ :  ରବିବାର ଚାରିଆଡେ ନୂଆ ବର୍ଷ ବେଶ୍‌ ଧୁମ୍‌ଧାମ୍‌ରେ ପାଳନ ଚାଲିଥିଲା । ହେଲେ ଦେବଗଡ଼ ଜିଲ୍ଲା କାଉଁସିବାହାଳ ଗାଁରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି । ପୁଅର ଛୁରା ଆକ୍ରମଣରେ ୭୦ ବର୍ଷୀୟ ବୃଦ୍ଧ ବାପାଙ୍କ ମୃତ୍ୟୁ ଘଟିଛି । ମୃତକଙ୍କ ନାମ ରତ୍ନାକର ପ୍ରଧାନ ବୋଲି ଜଣାପଡିଛି ।   

ରତ୍ନାକର ପୂର୍ବାହ୍ନ ସମୟରେ ଘର ଅଗଣାରେ ଶୋଇଥିଲା । ଏହି ସମୟରେ ତାଙ୍କ ମଝିଆ ପୁଅ ଦୁର୍ଯୋଧନ ପ୍ରଧାନ (୪୦ ବର୍ଷ) ଏକ ଧାରୁଆ ଛୁରୀରେ ବେକ ପଛରୁ ଆକ୍ରମଣ କରିଥିଲା । ବୃଦ୍ଧ ବାପା ଜୀବନ ରକ୍ଷା ପାଇଁ ଦୌଡି ପଳାଇବାକୁ ଉଦ୍ୟମ କରିଥିଲେ । ହେଲେ ଗଭୀର ଆଘାର ଲାଗିବା କାରଣରୁ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଛି ।

ତେବେ ଘଟଣା ସମୟରେ ମୃତକଙ୍କ ପରିବାରଲୋକେ ନିକଟ ବାଘମୁଣ୍ଡା ଗାଁକୁ ଜଙ୍ଘାଲିଙ୍ଗା ଯାତ୍ରା ଦେଖିବାକୁ ଯାଇଥିଲେ । ଘରେ କେବଳ ଝିଅ ଉପସ୍ଥିତ ରହିଥିଲେ । ସେ ବି ଘଟଣା ସମୟରେ ଘରେ ରୋଷେଇ କରୁଥିଲେ । ପରେ ବାପାଙ୍କ ପାଟି ଶୁଣି ଦୌଡି ଆସିଥିଲେ ।

ସେପଟେ ଖବର ପାଇ ଦେବଗଡ଼ ଆଦର୍ଶ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତକୁ ଗିରଫ କରିବା ସହ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି । ଘଟଣାସ୍ଥଳରୁ ରକ୍ତ ଲଗା ଛୁରୀକୁ ମଧ୍ୟ ଜବତ କରିଛି । ପୂର୍ବରୁ ମଧ୍ୟ ଅଭିଯୁକ୍ତ ଦୁର୍ଯୋଧନ ମଦ ପିଇ ଘରେ ଗଣ୍ଡଗୋଳ କରନ୍ତି । ଏପିରିକି ତାଙ୍କ ସ୍ତ୍ରୀ ବି ଏବେ ବାପ ଘରେ ରହୁଛନ୍ତି ।

   Related Posts