ଆଠମଲ୍ଲିକ ୧୪।୧୨: ଆଠମଲ୍ଲିକ ଥାନା ମାଧପୁର ଅଞ୍ଚଳରେ ବାଇକ୍ ଦୁର୍ଘଟଣାଗ୍ରସ୍ତ । ଦୁର୍ଘଟଣା ଫଳରେ ଜଣଙ୍କର ମୃତ୍ୟୁ ହୋଇଛି । ଅନ୍ୟ ଜଣେ ଗୁରୁତର ଅଛନ୍ତି ।
ସୂଚନାଯୋଗ୍ୟ ଯେ, ମଙ୍ଗଳବାର ମାଧପୁରରୁ ମାନେଜେର ରାସ୍ତାରେ ତେଣ୍ଟେଇପାଲି ଗ୍ରାମର ପଞ୍ଚୁ ସେଠୀ ଓ ପଦ୍ମିନୀ ସାହୁ ବାଇକରେ ଯାଉଥିବା ସମୟରେ ଟିଟିରିକଟା ଛକରେ କିଛି କୁକୁର ତାଙ୍କ ବାଇକ୍ ଆଗକୁ ଚାଲି ଆସିଥିଲେ । ଫଳରେ ପଞ୍ଚୁ ସେଠୀ ଭାରସାମ୍ୟ ହରାଇ ତଳେ ପଡିଯାଇଥିଲେ । ତାଙ୍କ ମୁଣ୍ଡ ରାସ୍ତାରେ ମାଡ ହୋଇଯାଇଥିଲା । ପରେ ପଞ୍ଚୁ ସେଠୀକୁ ଲୋକେ ଉଦ୍ଧାର କରି ମାଧପୁର ମେଡିକାଲକୁ ଆଣିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
