ଆନନ୍ଦପୁର ୧୬।୦୨ : ଟ୍ରକ ଧକ୍କାରେ ହୋମଗାର୍ଡ ମୃତ । କେନ୍ଦୁଝର ଜିଲ୍ଲା ଦେଓଗାଁ ବଜାରରେ ଘଟିଛି ଏହି ଦୁର୍ଘଟଣା । ମୃତକ ହୋମଗାର୍ଡଙ୍କ ନାମ ସୁରେଶ କୁମାର ରାଉତ ବୋଲି ଜଣାପଡିଛି ।

ଖବର ଅନୁଯାୟୀ, ଦେଓଗାଁ ବଜାରରେ ରାତି ଡ୍ୟୁଟି କରୁଥିଲେ  ହୋମଗାର୍ଡ ସୁରେଶ କୁମାର ରାଉତ । ଏହି ସମୟରେ ଏକ ଟ୍ରକ ଆସି ହୋମଗାର୍ଡଙ୍କୁ ଜୋରଦାର ଧକ୍କା ଦେଇଥିଲା । ଯାହାଫଳରେ ଘଟଣାସ୍ଥଳରେ ହୋମଗାର୍ଡଙ୍କ ମୃତ୍ୟୁ ହୋଇଥିଲା ।

ସେପଟେ ଦୁର୍ଘଟଣା ପରେ ଟ୍ରକଟି ଘଟଣାସ୍ଥଳରୁ ଫେରାର ହୋଇଯାଇଛି । ମୃତକ ହୋମଗାର୍ଡ ତରିମୂଳ ଗାଁର ସୁରେଶ କୁମାର ରାଉତ ବୋଲି ଜଣାପଡିଛି । ପୋଲିସ ଘଟଣାର ତଦନ୍ତ ଆରମ୍ଭ କରିଛି ।