ଆନନ୍ଦପୁର ୧୩।୧୦ : ବଜ୍ରାଘାତରେ ଜଣେ ମୃତ । କେନ୍ଦୁଝର ଜିଲ୍ଲା ଘଷିପୁରା ଥାନା କଲରାଗଡ଼ିଆ ଗାଁରେ ଏପରି ଅଘଟଣ ଦେଖିବାକୁ ମିଳିଛି । ମୃତକ କଲରାଗଡ଼ିଆ ଗାଁରେ ଶ୍ରୀରାମ ନାୟକ ବୋଲି ଜଣାପଡିଛି ।
ଖବର ଅନୁଯାୟୀ, ଗାଁ ନିକଟରେ ଥିବା ବୈତରଣୀ ନଦୀ କୂଳକୁ ଶୌଚ ହେବାକୁ ଯାଇଥିଲେ ଶ୍ରୀରାମ । ଠିକ୍ ଏହି ସମୟରେ ବଜ୍ରାଘାତ ଘଟି ସେ ଗୁରୁତର ହୋଇଥିଲେ । ସ୍ଥାନୀୟଲୋକଙ୍କ ସହାୟତାରେ ଶ୍ରୀରାମଙ୍କୁ ଆନନ୍ଦପୁର ମେଡିକାଲରେ ଭର୍ତ୍ତି କରାଯାଇଥିଲା । ହେଲେ ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଛନ୍ତି। ମୃତ ଶ୍ରୀରାମଙ୍କ ପରିବାରଙ୍କୁ ସରକାରୀ ସହାୟତା ପାଇଁ ଦାବି କରିଛନ୍ତି ଗ୍ରାମବାସୀ ।
