ଭୁବନେଶ୍ୱର ୨୭।୧୧ : ସୁନ୍ଦରପଦାରେ ଦୁର୍ଘଟଣାରେ ମହିଳାଙ୍କ ମୃତ୍ୟୁ ଏବଂ ଲୁଟ୍ ଘଟଣା । ଦୀର୍ଘ ଦିନ ପରେ ଫେରାର ଅଭିଯୁକ୍ତକୁ ଗିରଫ କଲା ଏୟାରଫିଲ୍ଡ ଥାନା ପୋଲିସ । କେନ୍ଦୁଝରର ବଡ଼ବିଲ ଅଞ୍ଚଳରେ ଲୁଚିଥିଲା ଅଭିଯୁକ୍ତ ।
ଖବର ଅନୁଯାୟୀ, ଗତ ୧୧ ତାରିଖ ଦିନ ସ୍ୱାମୀଙ୍କ ସହ ମନ୍ଦିର ଯାଉଥିଲେ । ଏହି ସମୟରେ ଦୁଇ ଜଣ ଦୁର୍ବୃତ୍ତ ବାଇକ୍ରେ ଆସି ମହିଳାଙ୍କୁ ଧକା ଦେଇଥିଲେ । ଗାଡିରୁ ପଡିବା ଦ୍ୱାରା ମହିଳା ଜଣଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଯାଇଥିଲେ । ଏହାପରେ ଏୟାରଫିଲ୍ମ ଥାନା ପୋଲିସ ଘଟଣାର ତଦନ୍ତ କରିଥିଲା । ଘଟଣାରେ ତଦନ୍ତ ଗତ ସୋମବାର ଦିନ ମୁଖ୍ୟ ଅଭିଯୁକ୍ତଙ୍କୁ ଗିରଫ କରିଥିଲା ପୋଲିସ । ଏହାପରେ ଆଉ ଜଣେ ଅଭିଯୁକ୍ତ ଫେରାର ଥିଲା । ଶେଷରେ ଏୟାରଫିଲ୍ଡ ଥାନା ପୋଲିସ ଫେରାର ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଛି । ଅଭିଯୁକ୍ତ ଜଣଙ୍କ ଘଟଣା ପରେ ଭୁବନେଶ୍ୱରରୁ ଝାଡଖଣ୍ଡ ପଳାଇଥିଲେ । ଏହାପରେ ଝାଡଖଣ୍ଡରେ କିଛି ଦିନ ରହିବା ପରେ କେନ୍ଦୁଝର ବଡ଼ବିଲରେ ଆସି ଲୁଚି ରହିଥିଲେ । ଏୟାରଫିଲ୍ମ ଥାନା ପୋଲିସ ଅଭିଯୁକ୍ତକୁ ଟ୍ରାକ କରିବା ଦ୍ୱାରା ଏହି ସଫଳତା ମିଳିଛି ।
