ତେଲକୋଇ: ବିଦ୍ୟୁତ୍ ତାର ବିଛାଇ ଦନ୍ତାହାତୀକୁ ହତ୍ୟା। ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ତେଲକୋଇ ବନାଞ୍ଚଳ ଗୋଳାବନ୍ଧ ସେକ୍ସନ ସଲେଇକେନା ପଞ୍ଚାୟତ ଭାଡିମରା ଗାଁରେ।
ସୂଚନା ଅନୁଯାୟୀ, ଶୁକ୍ରବାର ସକାଳୁ ଏକ ଦନ୍ତା ହାତୀର ମୃତ୍ୟୁ ହୋଇଥିବା ନେଇ ଖବର ପାଇଥିଲା ବନବିଭାଗ। ଏହାପରେ ସୂଚନାପାଇ ବନବିଭାଗ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା। ତେବେ ପ୍ରଥମେ ଏହା ହାତୀଙ୍କ ମଧ୍ୟରେ ସଂଘର୍ଷ କାରଣରୁ ମୃତ୍ୟୁ ଅନୁମାନ କରାଯାଇଥିଲେ।
ଆହୁରି ପଢ଼ନ୍ତୁ: ଧାନ ବିଲରୁ ମିଳିଲା ଦନ୍ତାର ମୃତଦେହ, ହାତୀ-ହାତୀ ଲଢେଇରେ ମୃତ୍ୟୁ ସନ୍ଦେହ
ହେଲେ ପରବର୍ତ୍ତୀ ସମୟରେ କେନ୍ଦୁଝର ବନଖଣ୍ଡ ଅଧିକାରୀ ଓ ଓ୍ବାଇଲ୍ଡଲାଇଫ ଜଏଣ୍ଟ ଟାକ୍ସଫୋର୍ସର ମିଳିତ ତଦନ୍ତ ପରେ ସତ ଜଣାପଡ଼ିଛି। ପ୍ରକୃତରେ ହାତୀ-ହାତୀ ମଧ୍ୟରେ ସଂଘର୍ଷରେ ମୃତ୍ୟୁ ହୋଇନାହିଁ ବରଂ ବିଦ୍ୟୁତ ତାର ସଂସ୍ପର୍ଶରେ ଆସି ମୃତ୍ୟୁ ହୋଇଛି।
ତଦନ୍ତରେ ମିଳିଥିଲା ଯେ, କାଠ ଖୁଣ୍ଟିରେ ଜିଆଇ ତାର ଗୁଡ଼ାଇ ଉଚ୍ଚ କ୍ଷମତା ସମ୍ପନ୍ନ ବିଦ୍ୟୁତ ତାରରେ ହୁକ ପକାଇ ହାତୀକୁ ହତ୍ୟା କରାଯାଇଛି। ସେହି ସ୍ଥାନରୁ ତାର ଗୁଡ଼ା ଯାଇଥିବା କିଛି କାଠକୁ ଜବତ କରାଯାଇଛି। ତେବେ ଘଟଣା ଦୁଇ ଜଣକୁ ଅଟକ ରଖି ଅଧିକ ପଚରାଉଚରା ଜାରି ରହିଥିବା କହିଛନ୍ତି ଡିଏଫଓ।
ଆହୁରି ପଢ଼ନ୍ତୁ: ନନ୍ଦନକାନନ ପ୍ରାଣୀ ଉଦ୍ୟାନରେ ଆଫ୍ରିକୀୟ ସିଂହୀର ମୃତ୍ୟୁ, ୫ ଦିନରୁ ଥିଲା ଅସୁସ୍ଥ
