କେନ୍ଦୁଝର ୨୨/୮:ମୋଟର ସାଇକେଲରେ ଯାଉଥିବାବେଳେ ଦମ୍ପତିଙ୍କୁ ହାଇଓ୍ବେ ଲୁଟେରା ହାଣିଲେ ଏବଂ ଲକ୍ଷେ ଟଙ୍କା ସହ ଦୁଇଟି ମୋବାଇଲ ଲୁଟିନେଲେ। ଗୁରୁତର ଅବସ୍ଥାରେ ସ୍ବାମୀ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି ହୋଇଛନ୍ତି । ଏଭଳି ଅଭାବନୀୟ ଘଟଣା ଘଟିଛି ତେଲକୋଇଥାନାର ଜଗମୋହନପୁର ଛକ ନିକଟରେ । ଆଜି ସକାଳୁ ସକାଳୁ ସୁଧାଂଶୁ ପାଇକରାୟ ଓ ତାଙ୍କ ସ୍ତ୍ରୀ ମିଲି ସାହୁ ମୋଟରସାଇକେଲରେ ହରିଚନ୍ଦନପୁର ଆସୁଥିବା ସମୟରେ ଜଗମୋହନପୁର ଛକ ନିକଟରେ ୪ଜଣ ହାଇଓ୍ବେ ଲୁଟେରା ତାଙ୍କୁ ଅଟକାଇ ପଇସା ମାଗିଥିଲେ ହେଲେ ଦମ୍ପତି ନ ଦେବାରୁ ଲୁଟେରାମାନେ ତାଙ୍କୁ ମାରଣାସ୍ତ୍ରରେ ଆକ୍ରମଣ କରିଥିଲେ ଓ ତାଙ୍କ ନିକଟରେ ଥିବା ଏକ ଲକ୍ଷ ଟଙ୍କା ସହ ଦୁଇଟି ମୋବାଇଲ ଲୁଟି ନେଇ ପଳାଇଥିଲେ । ଏହି ଆକ୍ରମଣରେ ସୁଧାଂଶୁଙ୍କ ମୁଣ୍ଡରେ ଗଭୀର ଆଘାତ ଲାଗିଥିବା ବେଳେ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।