ଦେବଗଡ ୮।୩: ହୋଲି ଉତ୍ସବ ପାଳନ ବେଳେ ଦହିହାଣ୍ଡି ଭାଙ୍ଗିବା ସମୟରେ ଅଘଟଣ ଘଟିଛି । ଦହିହାଣ୍ଡି ଭାଙ୍ଗିବାକୁ ଉପରକୁ ଚଢୁଥିବା ବେଳେ ଖସିପଡି ଜଣେ ବ୍ୟକ୍ତି ଆହତ ହୋଇଛନ୍ତି । ଏଭଳି ଅଭାବନୀୟ ଘଟଣା ଘଟିଛି ଦେବଗଡ ଜିଲ୍ଲା ରିଆମାଳ ବ୍ଲକ ଅନ୍ତର୍ଗତ ରେଙ୍ଗାଳବେଡା ଗ୍ରାମରେ । ଆହତ ବ୍ୟକ୍ତି ଜଣକ ହେଲେ ରେଙ୍ଗାଳବେଡା ଗ୍ରାମର ୪୦ବର୍ଷ ବୟସ୍କ ଚିନ୍ତାମଣୀ ପ୍ରଧାନ ।  ଆହତ ଚିନ୍ତାମଣୀଙ୍କୁ ପରିବାର ଲୋକ ଆଣି ଦେବଗଡ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି । ଦେବଗଡ ଡାକ୍ତରଖାନାରେ ପ୍ରାଥମିକ ଚିକିତ୍ସା ପରେ ଆହତ ଚିନ୍ତାମଣୀଙ୍କୁ ସର୍ଜରୀ ୱାର୍ଡରେ ଭର୍ତ୍ତି କରାଯାଇ ଅଧିକ ଚିକିତ୍ସା କରାଯାଉଛି  ।