ଆନନ୍ଦପୁର ୧୧।୩: ପୂର୍ବ ଶତ୍ରୁତାକୁ କେନ୍ଦ୍ରକରି ସଂଘବଦ୍ଧ ଆକ୍ରମଣ । ଆକ୍ରମଣରେ ଜଣେ ବ୍ୟକ୍ତି ଗୁରୁତର ହୋଇଛନ୍ତି । ଗୁରୁତରଙ୍କୁ ଆନନ୍ଦପୁର ମେଡ଼ିକାଲରେ ଭର୍ତ୍ତି କରାଯାଇଛି ।
ସୂଚନାଯୋଗ୍ୟ ଯେ, କେନ୍ଦୁଝର ଜିଲ୍ଲା ନନ୍ଦିପଦା ଥାନା ଆଁରା ଗାଁରେ ଜମିବାଡି ବିବାଦକୁ କେନ୍ଦ୍ରକରି ବାଇଧର ଖଣ୍ଡେଇ ଓ ରବି ମଲ୍ଲିକଙ୍କ ପରିବାର ମଧ୍ୟରେ ଦୀର୍ଘ ବର୍ଷ ଧରି ଶତ୍ରୁତା ଲାଗି ରହିଥିଲା । ଘଟଣାକୁ ନେଇ ଅନେକ ଥର ନନ୍ଦିପଦା ଥାନାରେ ଏତଲା ଦେବା ପରେ ଆପୋଷ ବୁଝାମଣା ପରେ ଉଭୟ ପକ୍ଷ ଆଉ ଝଗଡ଼ା ନକରିବାକୁ ପ୍ରତିଶ୍ରୁତିବଦ୍ଧ ହେଉଥିଲେ ମଧ୍ୟ ପୁନର୍ବାର ଉଭୟଙ୍କ ମଧ୍ୟରେ କଳହ ଲାଗି ରହିଥିଲ । ଶନିବାର ସକାଳୁ ବାଇଧର କୌଣସି କାମରେ ଘରୁ ବାହାରୁଥିବା ସମୟରେ ରବି ମଲ୍ଲିକ ଓ ତାଙ୍କ ସହଯୋଗୀମାନେ ପ୍ରଥମେ ମରଣାନ୍ତକ ଆକ୍ରମଣ କରିବା ସହିତ ପଥରରେ ତାଙ୍କ ମୁହଁକୁ ଛେଚି ଦେଇଛନ୍ତି । ବାଇଧର ଗୁରୁତର ହୋଇ ପଡ଼ିଥିବା ବେଳେ ପରିବାର ଲୋକେ ତାଙ୍କୁ ଆନନ୍ଦପୁର ମେଡ଼ିକାଲରେ ଭର୍ତ୍ତି କରି ଚିକିତ୍ସା ଜାରି ରଖିଛନ୍ତି । ଖବର ପାଇ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
