ବ୍ରହ୍ମପୁର ୨୮।୧୧: ଲୁଡୁ ଖେଳକୁ ନେଇ ଛୁରା ମାଡ ହୋଇଛି । ଛୁରାମାଡରେ ଜଣେ ଆହତ ହୋଇଛନ୍ତି । ଘଟଣାସ୍ଥଳରେ ପହଞ୍ଚି ପୋଲିସ ତଦନ୍ତ ଆରମ୍ଭ କରିଛି ।
ସୂଚନାଯୋଗ୍ୟ ଯେ, ଗଞ୍ଜାମ ବ୍ଲକ୍ ଅନ୍ତର୍ଗତ କାଇଞ୍ଚପୁର ପଂଚାୟତର ଝାଡୁକୁଦା ଗାଁରେ ଘଟିଛି ଏଭଳି ଅଭାବନୀୟ ଘଟଣା । ଲୁଡୁ ଖେଳକୁ ନେଇ ଦୁଇ ଜଣଙ୍କ ମଧ୍ୟରେ ଯୁକ୍ତିତର୍କ ପରେ ଛୁରା ମାଡ ହୋଇଛି । ଛୁରା ମାଡ଼ରେ ଦୁର୍ଯ୍ୟୋଧନ ରେଡ୍ଡୀ ଆହତ ହୋଇଛନ୍ତି ।
ଆହତ ଅବସ୍ଥାରେ ଦୁର୍ଯ୍ୟୋଧନଙ୍କୁ ପ୍ରଥମେ ଗଞ୍ଜାମ ମେଡିକାଲ ଓ ପରେ ବ୍ରହ୍ମପୁର ମେଡିକାଲକୁ ସ୍ଥାନାନ୍ତର କରାଯାଇଛି । ଛୁରା ମାଡ଼ କରିଥିବା ଇ.ଗୁରୁନାଥ ରେଡ୍ଡୀ ଫେରାର ହୋଇଯାଇଛନ୍ତି । ଘଟଣାସ୍ଥଳରେ ପହଞ୍ଚି ପୋଲିସ ତଦନ୍ତ ଆରମ୍ଭ କରିଛି ।
