ପୁରୀ ୧୫|୬: ପୁରୀରେ ବୋମାମାଡ଼ ହୋଇଛି । ବାସେଳି ସାହି ଥାନା ପଣାପ୍ରିୟା ଲେନରେ ବୋମାମାଡ ହୋଇଛି । ଏଥିରେ ଜଣେ ଗୁରୁତର ହୋଇଥିବା ଜଣାପଡିଛି । ତାଙ୍କ ନାଁ ଶିବରାମ ପାତ୍ର । ତାଙ୍କୁ ପୁରୀ ମୁଖ୍ୟ ହସ୍ପିଟାଲରେ ଭର୍ତ୍ତି କରାଯାଇଛି ।

ଯାତ୍ରା ଗୁମାସ୍ତା ବ୍ୟବସାୟକୁ କେନ୍ଦ୍ର କରି  ବୋମାମାଡ କରିଥିଲେ ୨ ଦୁର୍ବୃତ୍ତ । ତେବେ ଯୁବକ ଜଣକ ଜୀବନ ବିକଳରେ ଟାଉନ ଥାନା ଭିତରେ ପଶିଯାଇଥିଲେ । ଟାଉନ ଥାନା ଆଇଆଇସି ଗୁରୁତର ଯୁବକଙ୍କୁ  ହସ୍ପିଟାଲରେ ଭର୍ତ୍ତି କରିଥିଲେ । ଘଟଣା ପରେ ଟାଉନ ଥାନା ପୋଲିସ ତଦନ୍ତ ଚଳାଇଛି ।