ନୂଆଦିଲ୍ଳୀ, ୦୮/୦୨: ଭାରତୀୟ ବିଦେଶ ମନ୍ତ୍ରାଳୟ ବୁଧବାର କହିଛି ଯେ ଭାରତୀୟ ନାଗରିକ ତୁର୍କୀରେ ନିଖୋଜ୍ ଅଛନ୍ତି। ମନ୍ତ୍ରାଳୟ କହିଛି ଯେ ଏହି ନାଗରିକ ଭୂମିକମ୍ପ ପ୍ରଭାବିତ ତୁର୍କୀରେ କାମ ପାଇଁ ଯାଇଥିଲେ। ସରକାର ତାଙ୍କ ପରିବାର ଏବଂ ଏହାର ସଂଗଠନର ଯୋଗାଯୋଗରେ ଅଛନ୍ତି। ବିଦେଶ ମନ୍ତ୍ରାଳୟ କହିଛି ଯେ ୧୦ ଭାରତୀୟ ଦେଶର ଅନେକ ସ୍ଥାନରେ ଫସିଛନ୍ତି କିନ୍ତୁ ସୁରକ୍ଷିତ ଅଛନ୍ତି।
ବିଦେଶ ମନ୍ତ୍ରାଳୟର ସଚିବ (ପଶ୍ଚିମ) ସଞ୍ଜୟ ବର୍ମା କହିଛନ୍ତି ଯେ ତୁର୍କୀରେ ଭାରତୀୟ ଅପେକ୍ଷାକୃତ ସୁରକ୍ଷିତ ଅଛନ୍ତି। ସେ କହିଛନ୍ତି ସରକାର ତୁର୍କୀରେ ନିଖୋଜ୍ ଭାରତୀୟଙ୍କ ପରିବାର ସହ ଯୋଗାଯୋଗ କରାଯାଉଛି। ‘ଅପରେସନ ଦୋସ୍ତ’ ଉପରେ ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧନ କରି କହିଛନ୍ତି ଯେ ତୁର୍କୀରେ ୩ ହଜାର ଭାରତୀୟ ନାଗରିକ ଅଛନ୍ତି, ପ୍ରାୟ ୧୮୫୦ ଇସ୍ତାନବୁଲ୍ ଏବଂ ଏହାର ଆଖପାଖରେ ରହୁଛନ୍ତି। ଏହା ବ୍ୟତୀତ ରାଜଧାନୀ ଅଙ୍କାରାରେ ପ୍ରାୟ ୨୫୦ ରହୁଛନ୍ତି।
ସୂଚନାଯୋଗ୍ୟ, ତୁର୍କୀରେ ହୋଇଥିବା ଏହି ଭୟଙ୍କର ଭୂମିକମ୍ପରେ ଏପର୍ଯ୍ୟନ୍ତ ୧୧ ହଜାର ଲୋକଙ୍କ ମୃତ୍ୟୁ ହେଲାଣି। ତୁର୍କୀ ଏବଂ ସିରିୟାରେ ଏବେବି ସର୍ଚ୍ଚ ଅପରେସନ ଜାରି ରହିଛି। ବିଶ୍ବ ସ୍ବାସ୍ଥ୍ୟ ସଂଗଠନ ୨୩ ମିଲିୟନ ଳୋକ ପ୍ରଭାବିତ ହେବା ନେଇ ଚେତାବନୀ ଦେଇଥିଲା। ଭାରତ ଚାରି ସୈନ୍ୟ ପରିବହନ ବିମାନ ସହ ତୁର୍କୀକୁ ସହାୟତା ସାମଗ୍ରୀ ପଠାଇଛି।
ଏହାରି ମଧ୍ୟରେ ଏନଡିଆରଏଫ୍ ଡିଜି ଅତୁଲ କରଓ୍ବାଲ ବୁଧବାର କହିଛନ୍ତି ଯେ ଏନଡିଆରଏଫ୍ର ୫୧ କର୍ମୀଙ୍କ ଏକ ନୂଆ ଟିମ୍ ଭୂମିକମ୍ପ ପ୍ରଭାବିତ ତୁର୍କୀରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିସାରିଛନ୍ତି। ତୃତୀୟ ଟିମ୍ ପଠାଯିବାକୁ ପ୍ରସ୍ତୁତି ଚାଲିଛି। ଅନ୍ୟ ଦେଶମାନେ ମଧ୍ୟ ତୁର୍କୀ ଏବଂ ସିରିୟାରେ ଲୋକଙ୍କୁ ସାହାଯ୍ୟ ପାଇଁ ସହାୟତା ଏବଂ କର୍ମଚାରୀ ପଠାଉଛନ୍ତି।
