ଜଳେଶ୍ୱର ୧୩।୦୩ : ଅବକାରୀ ବିଭାଗକୁ ପୁଣି ସଫଳତା । ବାଲେଶ୍ୱର ଜିଲ୍ଲା ଜଳେଶ୍ୱର ଦେଉଳି ପଞ୍ଚୁଘଣ୍ଟା ଅଞ୍ଚଳରୁ ଜବତ ହୋଇଛି ୨୧୦ ଗ୍ରାମର ବ୍ରାଉନସୁଗର । ଏହାସହିତ ଜଣେ ବ୍ରାଉନ୍‌ସୁଗର ବେପାରୀଙ୍କୁ ଗିରଫ ମଧ୍ୟ କରିଛି ।

ଖବର ଅନୁଯାୟୀ, କିଛି ଦିନ ବ୍ରାଉନ୍‌ସୁଗର ବେପାର ଚାଲିଥିବା ନେଇ ଭୋଗରାଇ ଅବକାରୀ ବିଭାଗ ଓ କଟକ ଅବକାରୀ ସେଟ୍‌ ଲାଇଟ ୟୁନିଟ ନିକଟରେ ଗୁଇନ୍ଦା ସୂଚନା ମିଳିଥିଲା । ଏହିକ୍ରମରେ ସୋମବାର ଦିନ ପଞ୍ଚଘୁଣ୍ଟା ଅଞ୍ଚଳରେ ଚଢାଉ କରିଥିଲେ ଉଭୟ ଟିମ୍‌ । ଏହି ଚଢାଉରେ ଜଣେ ବ୍ରାଉନ୍‌ସୁଗର ବେପାରୀଙ୍କୁ ଗିରଫ କରାଯାଇଛି । ଗିରଫ ବ୍ରାଉନସୁଗର ବେପାରୀ ଜଣକ ହେଲେ ଦେଉଳି ପଞ୍ଚଘୁଣ୍ଟା ଅଞ୍ଚଳର ଉତ୍ତମ କୁମାର ମହାନ୍ତି ବୋଲି ଜଣାପଡିଛି ।