ବାରିପଦା ୧୪।୧୨ : ଶିମିଳିପାଳ ଉଦଳା ରେଞ୍ଜ ବିସିପୁର ଅଞ୍ଚଳରୁ ମହାବଳ ବାଘର ଛାଲ ଜବତ। ଏହାସହିତ ମାମଲାରେ ଜଣଙ୍କୁ ଗିରଫ କରିଛି କ୍ରାଇମ୍ବ୍ରାଞ୍ଚ ଟିମ୍ । ଘଟଣାରେ ଅଧିକ ତଦନ୍ତ ଜାରି ରଖିଛି ।
ଖବର ଅନୁଯାୟୀ, ମଙ୍ଗଳବାର ବିଳମ୍ଵିତ ରାତି ପ୍ରାୟ ସାଢେ ୨ଟାରେ ୫ ଲକ୍ଷ ଟଙ୍କାର ବାଘ ଛାଲ ଡିଲ୍ ବେଳେ ଚଢାଉ କରିଥିଲା କ୍ରାଇମ୍ବ୍ରାଞ୍ଚ। ଭୁବନେଶ୍ୱରରୁ ଏକ ୭ ଜଣିଆ ଟିମ୍ ଆସି ବାରିପଦା-ଉଦଳା ରାସ୍ତାର ବିସିପୁର ଅଞ୍ଚଳରେ ଚଢାଉ କରି ମହାବଳ ବାଘ ଛାଲ ଜବତ କରିଛନ୍ତି। ଏହାସହିତ ମାମଲାରେ ଜଣଙ୍କୁ ଗିରଫ ବି କରାଯାଇଛି। ତେବେ ମୃତ ବାଘଟି ୫ ରୁ ୬ ବର୍ଷର ହୋଇଥିବା ଅନୁମାନ କରାଯାଉଛି।
