ଜୟପୁର ୧୪।୯: ଦୀର୍ଘ ୬ବର୍ଷ ପରେ ବର୍ଷା ଜଳ ନିଷ୍କାସନ ପାଇଁ ଖୋଲିଲା କୋଲାବ ଜଳ ଭଣ୍ଡାରର ଗୋଟିଏ ଗେଟ୍ । ଜଳ ଭଣ୍ଡାରର ଜଳ ଧାରଣ କ୍ଷମତା ୮୫୮ ମିଟର ରହିଛି । ତେବେ କୋରାପୁଟ ଜିଲ୍ଲାର ବିଭିନ୍ନ ସ୍ଥାନରେ ଲଗାଣ ବର୍ଷା ଫଳରେ ଜଳ ଭଣ୍ଡାରର ଜଳସ୍ତର ଏବେ ୮୫୭.୧୬ ମିଟର ରହିଛି । ଆଗକୁ ଆହୁରି ବର୍ଷାର ସମ୍ଭାବନା ରହିଛି । ତେଣୁ ଜଳ ଭଣ୍ଡାରର ସୁରକ୍ଷା ଦୃଷ୍ଟିରୁ ଶନିବାର ଜଳ ଭଣ୍ଡାରର ୬ ନମ୍ବର ଗେଟ୍ ଖୋଲାଯାଇଛି । ପ୍ରତି ସେକେଣ୍ଡ ପିଛା ୩୫୦୦ ଘନ ଫୁଟ ଜଳ ଏବେ ନିଷ୍କାସନ କରାଯାଉଛି । ଆବଶ୍ୟକ ପଡିଲେ ଆହୁରି ଗେଟ୍ ଖୋଲା ଯାଇପାରେ । ଗତ ୨୦୧୮ ମସିହା ଅଗଷ୍ଟ ୨୬ ତାରିଖରେ ଶେଷ ଥର ପାଇଁ କୋଲାବ ଜଳ ଭଣ୍ଡାରର ଗେଟ୍ ଖୋଲାଯାଇଥିଲା । ସୁରକ୍ଷା ଦୃଷ୍ଟି କୋଣରୁ ତଳିଆ ଅଞ୍ଚଳର ଲୋକ ମାନଙ୍କୁ ଆଗୁଆ ସୂଚନା ଦିଆଯିବା ସହ ସତର୍କତା କରାଯାଇଛି ।
You Can Read:
