କଳାହାଣ୍ଡି: ଶୋଇଥିବାବେଳେ ଭୁଶୁଡ଼ି ପଡ଼ିଲା ଘର। ଚାଲିଗଲା ଜୀବନ। ଏଭଳି ଏକ ଅଭାବନୀୟ ଘଟଣା ଘଟିଛି କୋକସରା ସିଉନି ଗାଁରେ ଅଭାବନୀୟ ଘଟଣା । ଘର ଭୁଶୁଡ଼ି ଉପରେ ପଡ଼ିଯିବାରୁ ଏଠାରେ ଜଣେ ଯୁବକଙ୍କ ମୃତ୍ୟୁ ହୋଇଛି । ମୃତକ ହେଲେ ଘାସି ରାମ ହଂସ |
ସୂଚନା ଅନୁଯାୟୀ, ମଙ୍ଗଳବାର ଦ୍ବିପ୍ରହରରେ ଘଟିଛି ଏହି ଘଟଣା। ଘାସିରାମ ଘରେ ଏକା ଶୋଇଥିବାବେଳେ ପ୍ରାୟ ୨ ଟା ସମୟରେ ହଠାତ୍ ଘର ଭୁଶୁଡ଼ି ତାଙ୍କ ଉପରେ ପଡ଼ିଯାଇଥିଲା । ଏଥିରେ ସେ ଚିତ୍କାର କରିବାରୁ ପଡ଼ୋଶୀ ଲୋକେ ଦୌଡ଼ି ଆସି ତାଙ୍କୁ ଉଦ୍ଧାର କରିଥିଲେ ଏବଂ ଗୁରୁତର ଅବସ୍ଥାରେ କୋକସରା ମେଡିକାଲକୁ ଆଣିଥିଲେ।
କିନ୍ତୁ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ | ଖବର ପାଇ ଆମପାଣି ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଥିବା ଜଣା ପଡ଼ିଛି । ଏପଟେ ପରିବାରର ଏକମାତ୍ର ରୋଜଗାରିଆଙ୍କ ମୃତ୍ୟୁ ପରେ ବେସାହାରା ହୋଇ ପଡ଼ିଛନ୍ତି ବାପା-ମାଆ, ପତ୍ନୀ ଏବଂ ସନ୍ତାନ।