ସୁନ୍ଦରଗଡ଼ ୨୪।୦୯ : ସୁନ୍ଦରଗଡ଼ ସଦର ଫରେଷ୍ଟ ରେଞ୍ଜ ଟାଙ୍ଗର ଗାଁରେ ହାତୀ ଆକ୍ରମଣ । ଏଥିରେ ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି । ଘଟଣାସ୍ଥଳରେ ଲୋକଙ୍କ ଭିଡ ଜମିଥିବାର ଦେଖିବାକୁ ମିଳିଛି ।

ଖବର ଅନୁଯାୟୀ, ସୁନ୍ଦରଗଡ଼ ଫରେଷ୍ଟ ରେଞ୍ଜ ଟାଙ୍ଗର ଗାଁରେ ଜଣେ ବୃଦ୍ଧ ଖାଇସାରି ଶୋଇଥିଲେ । ଏହି ସମୟରେ ତାଙ୍କ ହାତୀ ଆକ୍ରମଣ କରିଥିଲା । ଭୟରେ ବୃଦ୍ଧ ଜଣଙ୍କ ଘରୁ ଦୌଡି ପଳାଇଥିଲେ । କିନ୍ତୁ ବାହାରକୁ ବାହାରିବା ବେଳେ ହାତୀ ହାବୁଡ଼ରେ ପଡିଯାଇଥିଲେ । ଯାହାଫଳରେ ହାତୀ ତାଙ୍କୁ କଚାଡି ମାରି ଦେଇଥିବା ସୂଚନା ମିଳିଛି ।

ସେହିପରି ଅନ୍ୟ ପଟେ ଆଉ ଜଣେ ମହିଳା ଭୌର ସମୟରେ ଶୌଚ ପାଇଁ ବାହାରକୁ ଯାଇଥିଲେ । ଏହି ସମୟରେ ଏକ ହାତୀ ମହିଳାଙ୍କୁ ଶୁଣ୍ଡରେ ଟାଣି ଫୋଫାଡି ଦେଇଥିଲା । ମହିଳାଙ୍କ ଅବସ୍ଥା ଗୁରୁତର ଥିବା ଜଣାପଡିଛି । ତେବେ ମୃତ ବୃଦ୍ଧଙ୍କ ନାମ ଆଲାରା କୁଲ୍ଲୁ ହୋଇଥିବା ବେଳେ ଗୁରୁତର ମହିଳାଙ୍କ ନାମ ସାଲମୀ ଗିଦ୍ଧି ବୋଲି ଜଣାପଡିଛି । ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଛି ।