ନୀଳଗିରି ୯|୮: ନୀଳଗିରି ଏକ ଚୋରା କାଠ ବୋଝେଇ ପିକଅପ ଧକ୍କାରେ ବାଇକ୍ ଆରୋହୀ ମୃତ । ନୀଳଗିରିରୁ ବାଉଁଶବଣିଆ ପଟ ଦେଇ ଜୟପୁର ରାସ୍ତାରେ ଦ୍ରୁତଗତିରେ ଯାଉଥିବାବେଳେ ଜଣେ ବାଇକ୍ ଆରୋହୀଙ୍କୁ ଧକ୍କା ଦେଇଥିଲା ପିକଅପ । ବାଇକ୍ ଆରୋହୀଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିବାବେଳେ ଅନ୍ୟ ୪ ଜଣ ଅଳ୍ପକେ ବର୍ତ୍ତି ଯାଇଛନ୍ତି । ଦୁର୍ଘଟଣା ପରେ ସ୍ଥାନୀୟଲୋକେ ପିଛାକରି ଅଳସୁଆଁ ଗ୍ରାମ ନିକଟସ୍ଥ ବଡ଼ପୋଖରୀଠାରେ ଗାଡିକୁ ଅଟକାଇଥିଲେ । ଘଟଣାସ୍ଥଳରୁ ଡ୍ରାଇଭର ଫେରାର ହୋଇଯାଇଛି । ଘଟଣା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଯାଇଥିଲା। । ପରେ ଘଟଣାସ୍ଥଳରେ ନୀଳଗିରି ବନବିଭାଗ ଓ ଖନ୍ତାପଡା ପୋଲିସ ପହଂଚି ପରିସ୍ଥିତିକୁ ଆୟତ୍ତ କରିବା ସହ ଆହତ ବାଇକ ଆରୋହୀଙ୍କୁ କ୍ଷତିପୂରଣ ଦେବା ପ୍ରତିଶ୍ରୁତି ଦେଇଥିଲେ ।