ରାଉରକେଲା: ଯୁବକଙ୍କୁ ପଥରରେ ଛେଚିବା ସହ ଧାରୁଆ ଅସ୍ତ୍ରରେ ହାଣି ହତ୍ୟା । ଆକ୍ରମଣରେ ଅନ୍ୟ ଜଣେ ଯୁବକ ଗୁରୁତର ଆହତ ହୋଇଛନ୍ତି । ଏଭଳି ଏକ ବୀଭତ୍ସ ହତ୍ୟାକାଣ୍ଡ ଘଟିଛି ରାଉରକେଲା ସେକ୍ଟର- ସେଭେନ ଥାନା ଛେଣ୍ଡ ପେଟ୍ରୋଲ ପମ୍ପ ପଛପଟ ଜଙ୍ଗଲ ରାସ୍ତାରେ । ଗୁରୁତର ଯୁବକଙ୍କୁ ପ୍ରଥମେ ରାଉରକେଲା ସରକାରୀ ଡାକ୍ତରଖାନାରେ ପରେ ସ୍ୱାସ୍ଥ୍ୟ ଅବସ୍ଥା ହେବାରୁ ଆଇ.ଜି.ଏଚ ଶେଷରେ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି ।
ତେବେ କିଏ କେଉଁ ପରିସ୍ଥିତିରେ ଘଟାଇଛି ହତ୍ୟାକାଣ୍ଡ ଭିଆଇଛି ତାହା ଏପର୍ଯ୍ୟନ୍ତ ସ୍ୱଷ୍ଟ ହୋଇନଥିବା ବେଳେ ମୃତ ବ୍ୟକ୍ତିଙ୍କ ନାଁ ଜଣା ରମଜାନ ଅହମଦ ବୋଲି ଜଣାପଡ଼ିଛି। ତାଙ୍କ ଘର ମାଲଗୋଦାମ ଅଞ୍ଚଳରେ। ସେହିଭଳି ଗୁରୁତର ବ୍ୟକ୍ତିଙ୍କର ପରିଚୟ ମିଳିନାହିଁ । ଏହି ହତ୍ୟାକାଣ୍ଡରେ କେତେ ଜଣଙ୍କର ସଂପୃକ୍ତି ଅଛି ତାହା ମଧ୍ୟ ସ୍ପଷ୍ଟ ହୋଇନାହିଁ ।
ଖବର ପାଇ ଘଟଣା ସ୍ଥଳରେ ସେକ୍ଟର-ସେଭେନ, ଛେଣ୍ଡ ପୋଲିସ ସହ ରାଉରକେଲା ଏସପି ବ୍ରିଜେଶ କୁମାର ରାଏ ପହଞ୍ଚି ଶବ ଜବତ କରିବା ସହ ଘଟଣାକୁ ଗୁରୁତର ସହ ନେଇ ତଦନ୍ତ ଆରମ୍ବ କରିଛନ୍ତି ।
