ବଲାଙ୍ଗିର ୧୮।୨: ବଲାଙ୍ଗିର ଭୀମଭୋଇ ମେଡିକାଲ କଲେଜ ହସ୍ପିଟାଲରେ ନର୍ସଙ୍କୁ ମାଡ ଘଟଣାରେ ଜଣେ ଗିରଫ । ଜଣେ ରୋଗୀଙ୍କ ସଂପର୍କୀୟଙ୍କୁ ଗିରଫ କରିଛି ବଲାଙ୍ଗୀର ପୋଲିସ । ଗିରଫ ବ୍ୟକ୍ତି ହେଲେ ବଲାଙ୍ଗୀର କଂସାରୀ ପଡାର ଅବଦୁଲ ରଫି ।

{"id":225743,"sizeSlug":"large"}

ଅବଦୁଲ ତାଙ୍କ ମା’ଙ୍କୁ ହସ୍ପିଟାଲ ଆଣିଥିବା ବେଳେ ନର୍ସ ପ୍ରତିମା ପ୍ରଧାନ ତାଙ୍କୁ ଦୁର୍ବ୍ୟବହାର ପ୍ରଦର୍ଶନ କରିଥିବା ଅଭିଯୋଗ ହୋଇଥିଲା । ଏନେଇ ଭିଡିଓ ଉତ୍ତୋଳନ କରିବାରୁ ନର୍ସ ବିରୋଧ କରିଥିଲେ ।

{"id":225744,"sizeSlug":"large"}

ଏହାକୁ ନେଇ ଉଭୟଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ଅବଦୁଲ ନର୍ସଙ୍କୁ ମାଡ ମାରିଥିବା ଅଭିଯୋଗ ହୋଇଥିଲା । ଏହି ଅଧାରରେ ପୋଲିସ ତାଙ୍କୁ ଗିରଫ କରିଛି । ଘଟଣା ପରେ ହସ୍ପିଟାଲରେ ପୋଲିସ ମୁତୟନ ହେବେ ବୋଲି ଜିଲ୍ଲା ପ୍ରଶାସନ ପକ୍ଷରୁ କୁହାଯାଇଛି ।