ବ୍ରହ୍ମପୁର ୫|୧୧: ବ୍ରହ୍ମପୁର ବ୍ରଜନଗର ଗତ ମାସ ୩୧ ତାରିଖରେ ହୋଇଥିବା ହତ୍ୟାକାଣ୍ଡର ପର୍ଦ୍ଦାଫାଶ ହୋଇଛି । ଘଟଣାର ଅଭିଯୁକ୍ତକୁ ପୋଲିସ ଗିରଫ କରିବାରେ ସକ୍ଷମ ହୋଇଛି । ଗତ ୩୧ ତାରିଖ ସକାଳୁ ବ୍ରଜନଗର ଅଞ୍ଚଳର ପ୍ରଦୀପ ବେହେରା ଓରଫ ଗଣିକୁ ପଥରରେ ଛେଚି ହତ୍ୟା କରାଯାଇଥିଲା । ପରିବାରବର୍ଗ ସୂଚନା ପରେ ପୋଲିସ ଘଟଣାର ତଦନ୍ତ କରି ଶଶାଙ୍କ ମହାକୁଡ ନାମକ ଜଣେ ସ୍ଥାନୀୟ ଯୁବକକୁ ଗିରଫ କରିଛି।
ଏହି ଘଟଣାରେ ଅନ୍ୟ କାହାର ସଂପୃକ୍ତି ଅଛି କି ନାହିଁ ସେ ନେଇ ପୋଲିସ ଅଧିକ ତଦନ୍ତ ଚଳାଇଛି । ସେପଟେ ଗିରଫ ଅଭିଯୁକ୍ତ ଶଶାଙ୍କ ମହାଙ୍କୁଡ ହତ୍ୟା କରିଥିବା ସ୍ବୀକାର କରିଛି। ମୃତକ ପ୍ରଦୀପ ସବୁବେଳେ ଶଶାଙ୍କକୁ ମଦ ମାଗି ହଇରାଣ କରୁଥିଲା । ମଦ ନଦେଲେ ଗାଳିଗୁଲଜ କରୁଥିଲା। ପୂର୍ବରୁ ଅନେକ ଥର ଦୁହିଁଙ୍କ ଭିତରେ ଝଗଡା ହୋଇଥିଲା। ଏଥିରେ ଉତ୍କ୍ଷିପ୍ତ ହୋଇ ଶଶାଙ୍କ ମଦ୍ୟପାନ କରି ପ୍ରଦୀପକୁ ହତ୍ୟା କରିଥିବା ସ୍ବୀକାର କରିଛି।