ନୀଳଗିରି: ତୃତୀୟ ଶ୍ରୀକ୍ଷେତ୍ର ନାମରେ ପ୍ରସିଦ୍ଧି ନୀଳଗିରି ମହାପ୍ରଭୁଙ୍କ ରଥ ନିର୍ମାଣ କାର୍ଯ୍ୟ ଅନୁକୂଳ ହୋଇଛି। ଶୁକ୍ରବାର ପବିତ୍ର ଅକ୍ଷୟ ତୃତୀୟା ଅବସରରେ, ବନଯାଗ ବିଧିରେ ପୂଜା କରିଛନ୍ତି କୁଳ ପୁରୋହିତ।
ସକାଳେ ପ୍ରଥମେ ତିନି ଠାକୁରଙ୍କ ନୀତି ପୂଜା ଆରମ୍ବ ହୋଇଥିଲା। ଏହାପରେ ଆଜ୍ଞାମାଳ ନେଇ ମଦନ ମୋହନ, ଭୂଦେବୀ, ଶ୍ରୀଦେବୀ, ରାମକୃଷ୍ଣ, ପଞ୍ଚୁ ପାଣ୍ଡବ ମନ୍ଦିରରୁ ବାହାରି ରଥଦାଣ୍ଡରେ ରୀତିନୀତିରେ ପୂଜାର୍ଚ୍ଚନା ହୋଇ ହୋମ ଯଜ୍ଞ ଅନୁଷ୍ଠିତ ହୋଇଥିଲା।
ନୀଳଗିରି ରାଣୀ ପୂଜାକାର୍ଯ୍ୟରେ ରହି ବନ୍ଦାପନା କରିବା ପରେ ଅଖରେ ଚକ ଭିଡ଼ାଯାଇଥିଲା। ଏହି ଅବସରରେ ବହୁ ଭକ୍ତଙ୍କ ସମାଗମ ମଧ୍ୟ ଦେଖିବାକୁ ମିଳିଥିଲା। ଅନୁରୂପ ଭାବେ ମହିଳା ରଥ ପାଇଁ ରଘୁନାଥ ଜୀଉ ମଠ ତରଫରୁ ମଧ୍ୟ ରଥ ଅନୁକୂଳ ଆରମ୍ବ ହୋଇଛି।ଅକ୍ଷୟ ତୃତୀୟା ଅବସରରେ ନୀଳଗିରିରେ ରଥ ନିର୍ମାଣ କାର୍ଯ୍ୟର ଅନୁକୂଳ
