ଖଲ୍ଲିକୋଟ: ରାଜ୍ୟ ସରକାରଙ୍କ ନାବାଳକମାନଙ୍କ ବେଆଇନ ବାଇକ ଚାଳନା ଉପରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି। ଏନେଇ ଗଞ୍ଜାମ ଓ ଭଞ୍ଜନଗର ଆରଟିଓ ପକ୍ଷରୁ ବିଭିନ୍ନ ସ୍ଥାନରେ ଯାଞ୍ଚ କରି ୧୪  ନାବାଳକ ବାଇକ ଚଳାଇବା ସମୟରେ ଧରା ପଡିଛନ୍ତି । ଗଞ୍ଜାମ ଆରଟିଓ ପକ୍ଷରୁ ଗଠିତ ୪ ଟିମ ୧୨ ଜଣ ଓ ଭଞ୍ଜନଗର ପରିବହନ ବିଭାଗ ଦ୍ଵାରା ଗଠିତ ଗୋଟିଏ ଟିମ ୨ ଜଣକୁ ଧରିଥିବା ଆରଟିଓ ପକ୍ଷରୁ କୁହାଯାଇଛି | ଜଣକ ପିଛା ୨୫ ହଜାର ଲେଖାଏଁ ଜରିମାନା ପକା ଯାଇଛି | ସେମାନଙ୍କ ପିତା ଓ ମାତାଙ୍କୁ ଡକାଯାଇ କାଉନସିଲିଂ କରାଯିବ ବୋଲି ଆରଟିଓ ଗଞ୍ଜାମ ମାନସ ରଞ୍ଜନ ସାହୁ ସୂଚନା ଦେଇଛନ୍ତି | ଏହି ଧରପଗଡ ଆଗକୁ ଜାରି ରହିବ ବୋଲି ସେ କହିଥିଲେ |

ସୂଚନା ଥାଉ କି ଗଞ୍ଜାମ ଜିଲ୍ଲାରେ ୨୦୨୨ରେ ସଡ଼କ ଦୁର୍ଘଟଣାରେ ଅଧିକ ଲୋକ ମୃତ୍ୟୁ ବରଣ କରିଛନ୍ତି| ଯାହାକି ରାଜ୍ୟରେ ପ୍ରଥମ| ସୂଚନାଥାଉ କି, ସ୍କୁଲ ଓ କଲେଜରେ ପଢୁଥିବା ଛାତ୍ରଛାତ୍ରୀ ନାବାଳକ ଓ ନାବାଳିକା ବିପଦଜନକ ଭାବେ ସ୍କୁଟି, ବାଇକ ଚଳାଉଥିବା ଯୋଗୁଁ ଅନେକ ସମୟରେ ଦୁର୍ଘଟଣା ଘଟୁଛି। ଏଣୁ ଏହି ଦୁର୍ଘଟଣା ରୋକିବାକୁ ରାଜ୍ୟ ସରକାର ପଦକ୍ଷେପ ନେଇଛନ୍ତି । ଫଳସ୍ୱରୂପ ପୁଲିସ ଓ ପରିବହନ ବିଭାଗ ପକ୍ଷରୁ ମିଳିତ ଭାବେ ବିଭିନ୍ନ ସ୍ଥାନରେ ଏହି ଯାଞ୍ଚ ଆରମ୍ଭ ହୋଇଛି । ଆଗାମୀ ଦିନରେ ଦୁର୍ଘଟଣା ରୋକିବାକୁ ରାଜ୍ୟ ସରକାର ଏଭଳି ପଦକ୍ଷେପ ନେଇଛନ୍ତି ।