ଜଟଣୀ ୩୧।୫: ଖୋର୍ଦ୍ଧା ଜିଲ୍ଲା ଜଟଣୀ ଥାନା ଅନ୍ତର୍ଗତ କନ୍ତିଆ ଗ୍ରାମର ବଡ଼ଜେନା ସାହିରେ ଅଘଟଣ । ୪୦ ଫୁଟ କୂଅରୁ ବୃଦ୍ଧାଙ୍କୁ ଉଦ୍ଧାର କଲେ ଅଗ୍ନିଶମ ବାହିନୀ କର୍ମଚାରୀ ।

ସୂଚନାଯୋଗ୍ୟ ଯେ, ଖୋର୍ଦ୍ଧା ଜିଲ୍ଲା ଜଟଣୀ ଥାନା ଅନ୍ତର୍ଗତ କନ୍ତିଆ ଗ୍ରାମର ବଡ଼ଜେନା ସାହିର ୭୨ବର୍ଷର ବୃଦ୍ଧା ବିଶାଖା ବଡ଼ଜେନା ବୁଧବାର ସକାଳ ୭ଟା ୧୫ ମିନିଟ୍‌ରେ କୂଅରୁ ପାଣି କାଢୁଥିବା ବେଳେ ହଠାତ ଗୋଡ ଖସିଯିବାରୁ କୂଅ ଭିତରେ ପଡିଯାଇଥିଲେ । ଏନେଇ ଅଗ୍ନିଶମ ବାହିନୀକୁ ଗ୍ରାମବାସୀ ଖବର ଦେଇଥିଲେ । ଜଟଣୀ ଅଗ୍ନିଶମ ବାହିନୀର ଏକ ଟିମ୍ ତୁରନ୍ତ ଯାଇ କନ୍ତିଆ ଗ୍ରାମରେ ପହଞ୍ଚି କୂଅ ଭିତରେ ପଡିଥିବା ବୃଦ୍ଧାଙ୍କୁ ତୁରନ୍ତ ଉଦ୍ଧାର କରିଥିଲେ । ବୃଦ୍ଧା ଜଣଙ୍କ କୂଅରୁ ବାହାରିବା ପରେ ତୁରନ୍ତ ତାଙ୍କ ପରିବାର ଲୋକେ ସ୍ଥାନୀୟ ସରକାରୀ ମେଡିକାଲକୁ ନେଇଯାଇଥିଲେ । ଡାକ୍ତରୀ ଚିକିତ୍ସା ପରେ ବୃଦ୍ଧା ଜଣଙ୍କ ସୁସ୍ଥ ଥିବା ଜଣାପଡିଛି ।

You Can Read :