Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସ୍ୱାଧିନତା ଦିବସ ଅବସରରେ ସମସ୍ତଙ୍କୁ ମୋର ଆନ୍ତରିକ ଶୁଭେଚ୍ଛା, ପ୍ରତିଟି ଭାରତୀୟ ପାଇଁ ଗୌରବର ମୁହୂର୍ତ୍ତ
  • ||
  • ‘ଦୁନିଆରେ ହଜାରେ ବାଘ, କିନ୍ତୁ ଦ୍ରାବିଡ…’ : ଟିମ୍ ଇଣ୍ଡିଆର କୋଚ୍‌ଙ୍କୁ ନେଇ ଟେଲରଙ୍କ ବଡ ବୟାନ
  • ||

କେମିତି ଏତେ ନିଷ୍ଠୁର ହୋଇପାରେ ମଣିଷ ? ଘର କାମ ନ କରିବାରୁ ୮୨ ବର୍ଷ ବୃଦ୍ଧା ଶାଶୁଙ୍କୁ ବାଡେଇଲା ବୋହୁ, ଭିଡିଓ ଭାଇରାଲ କଲେ ନାତି-ନାତୁଣୀ

24/08/2020 at 11:28 AM

ସୋନିପତ ୨୪/୦୮ :  ହରିୟାଣା ସୋନିପତ ଜିଲ୍ଲାର ସେକ୍ଟର-୨୩ ରେ ଏକ ଲଜ୍ଜାଜନକ ଘଟଣା ସାମ୍ନାକୁ ଆସିଛି | ଯୁଗ ଯେତେ ଆଗକୁ ଗଲେ ମଧ୍ୟ ମାନବିକତା ସତେ ଯେମିତି କେଉଁଠି ହଜିଗଲଣି | ଜଣେ ୮୨ ବର୍ଷ ବୃଦ୍ଧା ମହିଳାଙ୍କୁ ମାଡ ମାରୁଥିବା ଭିଡିଓ ଭାଇରାଲ ହୋଇଛି | ବୃଦ୍ଧା ମହିଳାଙ୍କୁ ତାଙ୍କ ନିଜ ବୋହୁ ମାଡ ମାରୁଥିବା ଭିଡିଓରେ ଦେଖିବାକୁ ମିଳିଛି | ତେବେ ବୃଦ୍ଧା ମହିଳାଙ୍କ ଭୁଲ କେବଳ ଏତିକି ଥିଲା ଯେ ସେ ଘର କାମ କରିପାରୁନଥିଲେ | ଘର କାମ କରିପାରୁନଥିବାରୁ ନିଷ୍ଠୁର ବୋହୁ ନିଜ ଶାଶୁଙ୍କୁ ବାଡ଼େଇଥିଲା | ଭିଡିଓ ସୋସିଆଲ ମିଡ଼ିଆରେ ଭାଇରାଲ ହେବାପରେ ପୋଲିସ ଆଇନଗତ ପଦକ୍ଷେପ ନେଇଛି | ପୋଲିସ ବୃଦ୍ଧା ମହିଳାଙ୍କ ବୋହୁ ଓ ବୋହୁର ମା’ଙ୍କ ବିରୋଧରେ ମାମଲା ରୁଜ୍ଜୁ କରି ତଦନ୍ତ ଆରମ୍ଭ କରିଛି |

ମହିଳାଙ୍କ ବୟସ ୮୨ | ମହିଳା ଜଣକ ନିଜେ ଭଲ ଭାବେ ଚଲାବୁଲା କରିବାକୁ ମଧ୍ୟ ଅସମର୍ଥ | କିନ୍ତୁ ତାଙ୍କ ବୋହୁ ଜୋର ଜବରଦସ୍ତ ତାଙ୍କ ଦ୍ୱାରା ଘର କାମ କରୁଥିଲା | କାମ କରିନପାରିଲେ ତାଙ୍କୁ ନିର୍ଦୟୀ ଭଳି ବାଡ଼ଉଥିଲା | ବହୁର ଏହି ଅତ୍ୟାଚାରର ଭିଡିଓ ତାଙ୍କରି ପୁଅଝିଅ ରେକର୍ଡିଙ୍ଗ କରି ସୋସିଆଲ ମିଡ଼ିଆରେ ଭାଇରାଲ କରିଥିଲେ | ଏହାପରେ ଅଭିଯୁକ୍ତ ମହିଳା ଫେରାର ହୋଇଯାଇଛି | 

ସୋସିଆଲ ମିଡ଼ିଆରେ ଭିଡିଓ ଭାଇରାଲ ହେବାପରେ ପୋଲିସ ଅଭିଯୁକ୍ତ ମହିଳା ବିରୋଧରେ ମାମଲା ରୁଜ୍ଜୁ କରି ତଦନ୍ତ ଆରମ୍ଭ କରିଛି | ସେକ୍ଟର-୨୩ ପୋଲିସ ଥାନା ଇନଚାର୍ଜ କଟାର ସିଂହ କହିଛନ୍ତି ଯେ ମହିଳା ସ୍ୱାସ୍ଥ୍ୟ ବିଭାଗରେ ନର୍ସ ଭାବେ କାର୍ଯ୍ୟରତ | ମାମଲା ରୁଜ୍ଜୁ ହେବାପରେ ସେ ଫେରାର ହୋଇଯାଇଛି | ମହିଳାକୁ ଖୁବ ଶୀଘ୍ର ଗିରଫ କରାଯିବ ବୋଲି କଟାର ସିଂହ କହିଛନ୍ତି | ପୋଲିସ କହିଛି ଯେ ପୀଡିତା ମହିଳାଙ୍କ ପୁଅ ଅଭିଯୋଗ କରିଥିଲେ |

ମହିଳାଙ୍କ ମେଡିକାଲ ଚେକଅପ କରାଯାଇଛି | ବୃଦ୍ଧାଙ୍କ ପୁଅ ପତ୍ନୀ ଓ ନିଜ ଶାଶୁଙ୍କ ବିରୋଧରେ ଅଭିଯୋଗ କରିଛନ୍ତି | ଏହାସହ ଜୀବନରେ ମାରିଦେବାକୁ ଧମକ ମଧ୍ୟ ଦେଉଥିଲେ ବୋଲି ଅଭିଯୋଗରେ କହିଛନ୍ତି | ଉଭୟଙ୍କ ବିରୋଧରେ ମାମଲା ରୁଜ୍ଜୁ କରାଯାଇଛି | ଅଭିଯୁକ୍ତ ମହିଳା ଓ ତାଙ୍କ ମା ମାମଲା ସାମ୍ନାକୁ ଆସିବା ପରେ ଫେରାର ହୋଇଯାଇଛନ୍ତି |

   Related Posts