ନଦୀରେ ଭାସି ଯାଉଥିବା ବେଳେ ବୃଦ୍ଧାଙ୍କୁ ଉଦ୍ଧାର କଲେ ୩ ଯୁବକ
Published By : Prameya-News7 Bureau | August 16, 2018 IST
ବରଗଡ ୧୬/୮ : ବରଗଡ ଜିଲ୍ଲା ଗାଇସିଲେଟ ବ୍ଲକ ଅନ୍ତର୍ଗତ ଚୌଂରିଆ ନିକଟରେ ଅଙ୍ଗ ନଦୀରେ ଭାସି ଯାଉଥିବା ବେଳେ ଜଣେ ବୃଦ୍ଧାଙ୍କୁ ତିନି ଜଣ ଯୁବକ ଉଦ୍ଧାର କରିଛନ୍ତି । ଚୌଂରିଆ ଗ୍ରାମର ଏହି ବୃଦ୍ଧା ଜଣକ ଗାଧୋଉଥିବା ବେଳେ ହଠାତ୍ ପାଣିରେ ଭାସି ଯାଇଥିଲେ ।ପ୍ରାୟ ୪ କିଲୋମିଟର ପର୍ଯ୍ୟନ୍ତ ପାଣିରେ ଭାସି ଭାସି ଯିବା ପରେ ଘୁଚିପାଲି ଡ୍ୟାମ୍ ନିକଟରେ ରାଇସଲପଦର ଗାଁର ଜଗନ୍ନାଥ ଜଲଶାୟୀ, ବିଶ୍ଵାମିତ୍ର ସାହୁ ଓ ହେମେନ୍ଦ୍ର ସାହୁ ନାମକ ତିନିଜଣ ଯୁବକ ଗାଈ ଚରାଉଥିବା ସମୟରେ ବୃଦ୍ଧାଙ୍କୁ ଦେଖିଥିଲେ । ସଙ୍ଗେ ସଙ୍ଗେ ସେମାନେ ନଦୀର ବଢ଼ିପାଣିକୁ ସାହାସିକତାର ସହ ଡେଇଁ ବୃଦ୍ଧାଙ୍କୁ ଉଦ୍ଧାର କରିଥିଲେ ।ବୃଦ୍ଧାଙ୍କ ସ୍ବାସ୍ଥ୍ୟାବସ୍ଥା ଗୁରୁତର ଥିବାରୁ ତାଙ୍କୁ ତୁରନ୍ତ ଚିକିତ୍ସା ପାଇଁ ପଦ୍ମପୁର ଡାକ୍ତରଖାନାରେ ଭର୍ତ୍ତି କରାଯାଇଛି।