ସାଲେପୁର ୦୩।୧୧: ଆଜିକା ସମାଜରେ ବୁଢାବୁଢୀ ହୋଇଗଲେ ବୋଧେ ଅଦରକାରୀ ହୋଇପଡନ୍ତି । ପରିଣତ ବୟସୟରେ କୁଆଡେ ଯିବେ, ଅଣ୍ଟା ନଇପଡିଲାଣି । ଚାଲିବାକୁ ଆଉ ବଳ ନାହିଁ, କେହି ମୁଠା ଖାଇବାକୁ ଦେଲେ ପଟେରେ ଦାନା ପଡେ । ନହେଲେ ଉପାସ । ଦେହରେ ମାଛି ଭଣ ଭଣ ହେଉଛନ୍ତ, ସେହିପରି ଭାବେ ପଡିରହିଛନ୍ତି ବୃଦ୍ଧା । କଟକ ଜିଲ୍ଲା ସାଲେପୁର ସାହେଶ୍ୱରୀ ମଣ୍ଡପ ନିକଟରେ ଦେଖିବାକୁ ମିଳିଛି ଏପରି ଏକ ହୃଦୟ ବିଦାରକ ଦୃଶ୍ୟ ।

କଟକ ଜିଲ୍ଲା ସାଲେପୁର ସାହେଶ୍ୱରୀ ମଣ୍ଡପରେ ବୁଢ଼ୀ ଲୋକଟି କିଛି ଦିନ ହେବ ମାଗିଯାଚି ଖାଉଥିଲା। କିନ୍ତୁ ଏବେ ଆଉ ଚାଲିବାକୁ ବଳ ପାଉନାହିଁ। ସେମିତି ଗୋଟିଏ ଜାଗାରେ ପଡିରହିଛି। ବିନା ଗାଧୁଆରେ ସେହିପରି ଭାବରେ ପଡିରହିଛନ୍ତି । ଦୃଶ୍ୟକୁ ଦେଖିଲେ ସତେ ଯେପରି ସମାଜରୁ ମାନବିକତା ହଜିଯାଇଛି। କୋଭିଡ଼ ମହାମରି ସମୟରେ ଅନେକ ବ୍ୟକ୍ତି ବିଶେଷ ସାହାଯ୍ୟ ଓ ସହଯୋଗ କରୁଥିବା ବେଳେ ଏହି ନିଆଶ୍ରୀ ବୃଦ୍ଧାଙ୍କ ଉପରେ ଯଦି କେହି ସହଯୋଗ କରନ୍ତି । ତେବେ ତାଙ୍କ ସ୍ଥିତିରେ କିଛିଟା ସୁଧାର ଆସିପାରିବ । କୌଣସି ବ୍ୟକ୍ତିଙ୍କ ନଜର ଯଦି ପଡିଯାଆନ୍ତ, ତେବେ ନିଶ୍ଚିତଭାବେ ବୃଦ୍ଧା ଲୋକଟିକୁ ବଞ୍ଚିବାର ରାହା  ମିଳିଯାଆନ୍ତା। ସେପଟେ ସାଲେପୁର ପ୍ରଶାସନ ତୁରନ୍ତ ଏହି ଘଟଣାଟିକୁ ଗୁରୁତର ସହ ନେବାକୁ ସାଧାରଣରେ ଦାବି ହୋଇଛି।