scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଶହେ ବର୍ଷ ବୟସ୍କ ବୃଦ୍ଧ ଉଡାଇଲେ ବିମାନ, କୋ-ପାଇଲଟ ଭାବେ କଲେ ଯାତ୍ରା

22/09/2021 at 2:33 PM

ନୂଆଦିଲ୍ଲୀ ୨୨।୦୯:  ଶହେ ବର୍ଷରେ ବିମାନ ଚାଳନା । ଆନ୍ଧ୍ରପ୍ରଦେଶର ପଶ୍ଚିମ ଗୋଦାବରୀ ଜିଲ୍ଲାର ବାସିନ୍ଦା ରାମୁଡୁଙ୍କ ନାଁରେ ଏହି ବିରଳ ରେକର୍ଡ ସାମିଲ ହୋଇଛି । କୋ-ପାଇଲଟଙ୍କ ସହ ବିମାନ ଚଳାଇଛନ୍ତି ଏହି ଶତାୟୁ ବୃଦ୍ଧ । ବିମାନରେ ସହ ପାଇଲଟ ଭାବେ ଯାତ୍ରା କରିଛନ୍ତି ।

ଖବର ଅନୁଯାୟୀ, ଆନ୍ଧ୍ରପ୍ରଦେଶର ପଶ୍ଚିମ ଗୋଦାବରୀ ଜିଲ୍ଲା ବାସିନ୍ଦା ୧୦୦ ବର୍ଷୀୟ ରାମୁଡୁ ଦିନକ ପାଇଁ ସହ-ପାଇଲଟ୍‌ ହୋଇଛନ୍ତି । ସେ ବେଙ୍ଗାଲୁରୁରେ ଫ୍ଲାଇଟ୍‌ ଇନ୍‌ଷ୍ଟ୍ରକ୍ଟର ଆଡ୍ରେ ମବେନ୍‌ଙ୍କ ସହ ବିମାନ ଉଡ଼ାଇଛନ୍ତି । ଆଡ୍ରେ କହିଛନ୍ତି, ତାଙ୍କର ୩୦ ବର୍ଷର କ୍ୟାରିଅର୍‌ରେ ଆଜିର ଦିନଟା ସର୍ବଦା ମନେ ରହିବ । କାରଣ ସେ ଜଣେ ଶତାୟୁ କୋ-ପାଇଟଲ୍‌ଙ୍କ ସହିତ ବିମାନ ଉଡ଼ାଇଛନ୍ତି । ୧୯୨୧, ଜାନୁଆରୀ ୯ରେ ଜନ୍ମିତ ରାମୁଡୁ ଜଣେ ସ୍ୱାଧୀନତା ସଂଗ୍ରାମୀ । ନାତି-ନାତୁଣିଙ୍କୁ ଭେଟିବା ପାଇଁ ସେ ଗତ ୮ ତାରିଖରେ ବେଙ୍ଗାଲୁରୁରେ ପହଞ୍ଚିଥିଲେ । କିନ୍ତୁ ପରିବାର ଲୋକେ ତାଙ୍କ ପାଇଁ ଏକ ସର୍‌ପ୍ରାଇଜ୍‌ ରଖିଛନ୍ତି ବୋଲି ସେ ଜାଣିନଥିଲେ । ତାଙ୍କ ନାତି ଅରବିନ୍ଦ ରୋଙ୍ଗଲା କହିଛନ୍ତି ‘ଜେଜେ ଉଡ଼ିବାକୁ ଖୁବ୍‌ ଭଲପାଆନ୍ତି ।

ଏଠାକୁ ଆସିବା ପୂର୍ବରୁ ସେ ରାଜାମୁନ୍ଦରୀ ବିମାନବନ୍ଦରରୁ ଚେନ୍ନାଇ ଯାଇଥିଲେ । ସେଠାରେ କିଛି କାମ ଶେଷ କରି ବିମାନ ଯୋଗେ ବେଙ୍ଗାଲୁରୁ ଆସିଲେ । ଜେଜେ ୯୬ ବର୍ଷ ବୟସରେ ଦକ୍ଷିଣ ଆଫ୍ରିକା ଯାଇଥିଲେ ।’ ରାମୁଡୁ ଜକ୍କୁର ବିମାନବନ୍ଦରରୁ ବିମାନ ଉଡ଼ାଇଛନ୍ତି । ଏଇଟି ଛୋଟ ଜେନିଥ ଏୟାର ୭୦୨ ବିମାନ ଥିଲା, ଯେଉଁଥିରେ କେବଳ ପାଇଲଟ୍‌ ଓ ସହ-ପାଇଲଟ୍‌ ହିଁ ବସିପାରିବେ । ବିମାନ ପରାମର୍ଶଦାତା ଆଡ୍ରେ କହିଛନ୍ତି ‘ସେ(ରାମୁଡୁ) ଖୁବ୍‌ ଉତ୍ସାହର ସହ ମୋ ପାଖକୁ ଆସିଲେ ଏବଂ ସହଜରେ ବିମାନରେ ଚଢ଼ିଗଲେ । ମୁଁ ମୋର କ୍ୟାରିଅର୍‌ରେ କେବେ ଏତେ ବୟସ୍କ ବ୍ୟକ୍ତିଙ୍କୁ ଉଡ଼ାଣ ଭରିବା ପାଇଁ ଏଭଳି ଉତ୍ସାହିତ ଓ ସାହସୀ ଦେଖିନାହିଁ । ସେ ଆମ ପାଇଁ ପ୍ରେରଣା । ତାଙ୍କ ସହ ବିମାନ ଉଡ଼ାଇବା ସମ୍ମାନର କଥା ।’

   Related Posts