ଭଦ୍ରକ ୨୦।୨: ‘ଘଣ୍ଟାଏ କାମ କଲେ ମିଳିବ ୨୦୦୦ । ଦିନକୁ ୧୦ଘଣ୍ଟା କାମ କରିବୁ । ହିସାବ କର ଦିନକୁ କେତେ ଟଙ୍କା ରୋଜଗାର କରିବୁ ।’ ଯୁବତୀଙ୍କୁ ଏଭଳି ଅଶ୍ଳୀଳ ମେସେଜ ପଠାଇବା ଅଭିଯୋଗରେ ବୃଦ୍ଧ ଗିରଫ । ଗିରଫ ବୃଦ୍ଧ ହେଉଛନ୍ତି ଭଦ୍ରକ ଗ୍ରାମାଞ୍ଚଳ ଥାନା ଏରେଇଁ ଅଞ୍ଚଳର ଏସ.କେ. ସରିଫ ।
ଏସ.କେ. ସରିଫଙ୍କ ନିଜ ଘର ଜଟଣୀ ଅଞ୍ଚଳରେ । ସେ ଏଫସିଆଇରେ ଡ୍ରାଇଭର ଭାବେ କାର୍ଯ୍ୟରତ ଥିଲେ । ସେ ୨୦୦୨ ମସିହାରୁ ଭଦ୍ରକ ଜିଲ୍ଲା ଚରମ୍ପାର ଏରେଇଁଠାରେ ପରିବାର ସହ ରହୁଥିଲେ । ତେବେ ସେ ଗାଁର ଏକାଧିକ ଯୁବତୀଙ୍କୁ ମୋବାଇଲରେ ଅଶ୍ଳୀଳ ମେସେଜ ପଠାଉଥିଲେ ।
ଜଣେ ଯୁବତୀଙ୍କୁ ସେ ମେସେଜରେ କହିଥିଲେ ଯେ, ‘ମୁଁ ରାଜ୍ୟ ବାହାରକୁ ଟୁରରେ ଯାଉଛନ୍ତି । ମୋ ସହ ଯିବୁ କି । ପଇସା ପାଇଁ ଲୋକ କଣ ନକରୁଛନ୍ତି । ତୁ କହ ତୁ ପଇସା ପାଇଁ କଣ କରିପାରିବୁ । ଯଦି ତୁ ରାଜି ହେବୁ ସିକ୍ରେଟ୍ କାମ ଦେବି । ଘଣ୍ଟାକୁ ୨୦୦୦ ରୋଜଗାର କରିବୁ । ଦିନରେ ୧୦ଘଣ୍ଟା କାମ କରିବାକୁ ପଡିବ । ହିସାବ କରେ କେତେ ଟଙ୍କା ଇନକମ୍ କରିବୁ । କିଛି ପର୍ସନାଲ ଜିନିଷ ଅଛି ଯାହା ପାଇଁ ତୁ ମାଲାମାଲ ହୋଇପାରିବୁ । କାମ ତୋତେ ଭୁବନେଶ୍ବର ଗଲେ କହିବି । ଫୋନ୍ ରେ କହିବିନାହିଁ ।’
ଏଭଳି ଅଶ୍ଳୀଳ ମେସେଜ ପଠାଉଥିବା ଅଭିଯୋଗରେ ତାଙ୍କୁ ପୋଲିସ ଗିରଫ କରିଛି । ତେବେ ଗ୍ରାମାଞ୍ଚଳ ପୋଲିସ ସରିଫଙ୍କୁ କୋର୍ଟ ଚାଲାଣ କରାଯାଇଛି ।