ବୌଦ୍ଧ ୧୦/୦୨: ବୌଦ୍ଧ ଚାରିଛକ ନିକଟସ୍ଥ ମାର୍ଡିଙ୍ଗ ଠାରେ ଦୁର୍ଘଟଣା । ଭାରସାମ୍ୟ ହରାଇ ରାସ୍ତା କଡକୁ ଓଲଟିଲା ବସ୍ । ଅଳ୍ପକେ ବର୍ତ୍ତିଯାଇଛନ୍ତି ୨୫ ଯାତ୍ରୀ । ବିବାହ ପାଇଁ କନ୍ୟା ନେଇ ଯାଉଥିବା ଯାତ୍ରୀବାହୀ ବସ୍ ଓଲଟିପଡିଥିଲା । ତେବେ ସୌଭାଗ୍ୟବଶତଃ କନ୍ୟା ସମେତ ଅଳ୍ପକେ ୨୫ ଜଣ ଯାତ୍ରୀ ବର୍ତ୍ତିଯାଇଛନ୍ତି । କବିସୂର୍ଯ୍ୟନଗରରୁ ରାଉରକେଲା ବିବାହ ପାଇଁ ଯାଉଥିବା ବେଳେ ଦୁର୍ଘଟଣା ଘଟିଥିଲା । ଘଟମା ପରେ ପୁରୁଣା କଟକ ପୋଲିସ୍ ର ତଦନ୍ତ ଆରମ୍ଭ କରିଛି ।

ସୂଚନାଥାଉକି, ବ୍ରହ୍ମପୁର କବିସୂର୍ଯ୍ୟନଗରରୁ ରାଉରକେଲାକୁ ବିବାହ ପାଇଁ ତୁଳାକନ୍ୟା ଧରି ଯାଉଥିବା ଏକ ଘରୋଇ ଯାତ୍ରୀବାହି ବସ ୫୭ନଂ ଜାତୀୟ ରାଜପଥ ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଚାରିଛକ ନିକଟସ୍ଥ ମାର୍ଡିଙ୍ଗ ଠାରେ ଭାରସାମ୍ୟ ହରାଇ ରାସ୍ତା କଡ଼କୁ ଖସିପଡ଼ିଥିଲା । ଏହି ଦୁର୍ଘଟଣାରେ କାହାର କିଛି କ୍ଷତି ହୋଇନଥିବା ବେଳେ ତୁରନ୍ତ ସମସ୍ତ ଙ୍କୁ ବସ ଭିତରୁ ଉଦ୍ଧାର କରି ଅନ୍ୟ ଏକ ବସ ଯୋଗେ ରାଉରକେଲା ପଠାଯାଇଛି। ଦୁର୍ଘଟଣା ସ୍ଥଳରେ ପୁରୁଣା କଟକ ପୋଲିସ ପହଂଚି ଅଧିକ ତଦନ୍ତ ଜାରି ରଖିଛି।