ମୁମ୍ବାଇ(ରଞ୍ଜନ ଆଚାର୍ଯ୍ୟ) ୧୨/୮: ମାୟାନଗରୀ ମୁମ୍ବାଇରେ ସଫଳ ଓଡ଼ିଆ ପୁଅ । କେବେ ମୁମ୍ବାଇ ସିନେ ଜଗତ ଓଡ଼ିଆ ମାନଙ୍କ ପାଇଁ ସ୍ବପ୍ନ ଥିଲା । କିନ୍ତୁ ଆଜି ସମୟ ବଦଳିବା ସହିତ ମାନସିକତାରେ ପରିବର୍ତ୍ତନ ଆସିଛି । ବହୁ ଓଡ଼ିଆ ଯୁବକ ଯୁବତୀ ଏବେ ମାୟାନଗରୀରେ ପାଦ ଦେଇ ନିଜର ପ୍ରତିଭା ପ୍ରଦର୍ଶନ କରି ସଫଳ ହୋଇଛନ୍ତି । ସେହିପରି ବ୍ରହ୍ମପୁର ଗାନ୍ଧୀନଗର ସନ୍ତୋଷ ଆଚାର୍ଯ୍ୟ କାଷ୍ଟିଙ୍ଗ୍ ଓ ମଡେଲିଙ୍ଗ୍ କରି ବେଶ ସୁନାମ ଅର୍ଜନ କରିଛନ୍ତି ।
{"id":143519,"width":550,"height":284}ସୁଜଲ କମ୍ପାନୀରେ କାର୍ଯ୍ୟରତ ସନ୍ତୋଷଙ୍କ କମ୍ପାନୀର ଶାଖା ଦିଲ୍ଲୀ, ମୁମ୍ବାଇ ବେଙ୍ଗାଲୁରୁ ସମେତ କାନାଡ଼ାରେ ମଧ୍ୟ ଅଛି । ସେ ବିଭିନ୍ନ ହିନ୍ଦୀ, ତାଲିମ, ତେଲୁଗୁ ଓ କାନାଡ଼ା ଫିଲ୍ମ ପାଇଁ କଳାକାର ଯୋଗାଇଛନ୍ତି । ସେହିପରି ସନ୍ତୋଷଙ୍କ କମ୍ପାନୀରେ ଲଣ୍ଡନ, ଆମେରିକା, ଋଷିଆ ଭଳି ଦେଶର ମଡେଲ ମାନେ ମଧ୍ୟ କାର୍ଯ୍ୟ କରୁଛନ୍ତି । ବେଙ୍ଗାଲୁରୁରେ ପ୍ରଫେସନାଲ ଷ୍ଟଡି ସାରିବା ପରେ ସେ କିଛି ଦିନ ଦୁବାଇରେ କାର୍ଯ୍ୟରତ ଥିଲେ ।
{"id":143520,"width":585,"height":302}ସେଠାରେ ହିଂପି କଳାକାରଙ୍କ ସଂସ୍ପର୍ଶରେ ଆସି କିଛି ଅଭିଜ୍ଞତା ହାସଲ କରିବା ପରେ ନିଜର ମଡେଲିଂ କମ୍ପାନୀ ଆରମ୍ଭ କରିଛନ୍ତି । ବଲିଉଡ଼ର ବହୁ ବିଶିଷ୍ଟ କଳାକାରଙ୍କ ସହ କାମ କରିଥିବା ସନ୍ତୋଷ ସିନେ ଜଗତରେ ପାଦ ରଖିବାକୁ ଚାହୁଁଥିବା ଓଡ଼ିଆ ଭାଇଭଉଣୀଙ୍କ ପାଇଁ ମଧ୍ୟ ସର୍ବଦା ସାହାଯ୍ୟ ମନୋବୃତ୍ତି ରଖିଛନ୍ତି ବୋଲି କୁହନ୍ତି।