scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

୨୦୩୬ରେ ଓଡ଼ିଶା ହେବ ବୟସ୍କଙ୍କ ରାଜ୍ୟ, ଜାତୀୟ ହାର ଠାରୁ ଯଥେଷ୍ଟ କମ୍ ରହିଛି ଓଡ଼ିଶାର ପ୍ରଜନନ ହାର

7/12/2023 at 11:07 PM

ଭୁବନେଶ୍ଵର: ୨୦୩୬ରେ ଓଡ଼ିଶା ହେବ ବୟସ୍କଙ୍କ ରାଜ୍ୟ । ରାଜ୍ୟର ସମୁଦାୟ ପ୍ରଜନନ ହାର TFR ଜାତୀୟ ହାରଠାରୁ ଯଥେଷ୍ଟ କମ୍ ରହିଥିବା ଓ ଧୀରେ ଧୀରେ ଆହୁରି ହ୍ରାସ ପାଉଛି । ଏମିତିରେ ୧୦ବର୍ଷ ପରେ ଓଡ଼ିଶାର ଜନସଂଖ୍ୟା ବଢ଼ିବା ବଦଳରେ ଖସୁଥିବ ।  ତେଣୁ ଓଡ଼ିଶାରେ ବୟସ୍କମାନଙ୍କ ସଂଖ୍ୟା ବୃଦ୍ଧି ପାଇବ। ରାଜ୍ୟ ସ୍ବାସ୍ଥ୍ୟ ବିଭାଗ ପକ୍ଷରୁ ପ୍ରକାଶ ପାଇଥିବା ପରିବାର ନିୟୋଜନ ୨୦୩୦ ଭିଜନ୍ ଡକ୍ୟୁମେଣ୍ଟରେ ଏଭଳି ଆକଳନ କରାଯାଇଛି ।

୨୦୩୬ରେ ଓଡ଼ିଶା ହେବ ବୟସ୍କଙ୍କ ରାଜ୍ୟ । ଖସୁଛି ରାଜ୍ୟର ଜନସଂଖ୍ୟା । ଜାତୀୟ ହାର ଠାରୁ ଯଥେଷ୍ଟ କମ୍ ରହିଛି ରାଜ୍ୟର ସବୁଦାୟ ପ୍ରଜନନ ହାର । ୧୦ବର୍ଷ ପରେ ଓଡ଼ିଶାରେ ଜନସଂଖ୍ୟା ବଢ଼ିବା ବଦଳରେ ଖସୁଥିବ । କାରଣ ରାଜ୍ୟର ସବୁଦାୟ ପ୍ରଜନନ ହାର ବା TFR ଜାତୀୟ ହାର ଠାରୁ ଯଥେଷ୍ଟ କମ୍ ରହିଛି । ଧୀରେ ଧୀରେ ଏହା ଆହୁରି ହ୍ରାସ ପାଉବାରେ ଲାଗିଛି । ଏମିତିରେ ଖୁବ୍ ଶୀଘ୍ର ଓଡ଼ିଶା ବୟସ୍କମାନଙ୍କ ଏକ ରାଜ୍ୟ ପାଲଟିବ । ରାଜ୍ୟ ସ୍ବାସ୍ଥ୍ୟ ବିଭାଗ ପକ୍ଷରୁ ପ୍ରକାଶ ପାଇଥିବା ପରିବାର ନିୟୋଜନ ୨୦୩୦ ଭିଜନ୍ ଡକ୍ୟୁମେଣ୍ଟରେ ଏଭଳି ଆକଳନ କରାଯାଇଛି ।

ଜାତୀୟ ପରିବାର ସ୍ବାସ୍ଥ୍ୟ ସର୍ବେକ୍ଷଣ NFHS-5 ଅନୁଯାୟୀ, ରାଜ୍ୟରେ TFR ଏବେ ୧.୮ ରହିଛି । ଯାହାକୁ ରିପ୍ଲେସମେଣ୍ଟ ରେଟ୍ ବା ସନ୍ତୁଳିତ ହାର ୨.୧ ଠାରୁ କମ୍ । ଆସନ୍ତାବର୍ଷ ଠାରୁ ରାଜ୍ୟର TFR ୧.୬ ଖସିଯିବା ନେଇ ଆକଳନ କରାଯାଇଛି । ରାଜ୍ୟରେ ୩ ଧର୍ମାବଲମ୍ବୀ ପରିବାର କଥାକୁ ଯଦି ବିଚାରକୁ ନେବା ତାହେଲେ ହିନ୍ଦୁମାନଙ୍କ କ୍ଷେତ୍ରରେ TFR ୧.୮ ରହିଥିବା ବେଳେ ମୁସଲିମଙ୍କର ୧.୯ ଏବଂ ଖ୍ରୀଷ୍ଟିଆନ୍ ବର୍ଗରେ ଏହା ୨.୩ ରହିଛି ।

ସେହିଭଳି ସହରାଞ୍ଚଳରେ TFR ୧.୬ ଏବଂ ଗ୍ରାମାଞ୍ଚଳରେ ୧.୮ ରହିଛି । ୧୩ବର୍ଷ ପରେ ରାଜ୍ୟର TFR ୧.୫ ତଳକୁ ଖସିଯାଇ ପାରେ ବୋଲି ଅନୁମାନ କରାଯାଉଛି । ଏହାର କାରଣ ବୁଝାଇବାକୁ ଯାଇ ରାଜ୍ୟ ସ୍ବାସ୍ଥ୍ୟ ବିଭାଗର ବରିଷ୍ଠ ଅଧିକାରୀ କହିଛନ୍ତି, ଅନ୍ୟ ରାଜ୍ୟ ତୁଳନାରେ ଏବେ ଓଡ଼ିଶାରେ ଜନସଂଖ୍ୟା ହାର ବେଶ୍ ଭଲ ରହିଛି । ହେଲେ ଏବେ ଅନେକ ଦମ୍ପତି ପ୍ରଥମ ସନ୍ତାନ ଜନ୍ମକୁ ବିଳମ୍ବିତ କରୁଛନ୍ତି । ଅଧିକାଂଶ ଦମ୍ପତି ଗୋଟିଏ ମାତ୍ର ସନ୍ତାନ ଜନ୍ମ କରୁଛନ୍ତି।  ଏହା ସହ ଦାରିଦ୍ର୍ୟ ମଧ୍ୟ  ଆଉ ଏକ ପ୍ରମୁଖ କାରଣ

ବର୍ତ୍ତମାନ ମହଙ୍ଗା ଯୁଗରେ ଗରିବ ଓ ମଧ୍ୟବିତ୍ତ ପରିବାର ଅଧିକ ପିଲା ଜନ୍ମ ପାଇଁ କୁଣ୍ଠା ବୋଧ କରୁଛନ୍ତି । ଓଡ଼ିଶାରେ ଏବେ ଯୁବପିଢ଼ିଙ୍କ ସଂଖ୍ୟା ଅଧିକ ରହିଥିବାରୁ ଜନସଂଖ୍ୟା ବୃଦ୍ଧି ହେଉଛି । ହେଲେ ଏହା ସବୁଦିନ ପାଇଁ ଜାରି ରହିବ ନାହିଁ । ଏବେ ଯେଉଁ ଯୁବକମାନେ ରହିଛନ୍ତି ଆଗାମୀ ୧୫ବର୍ଷ ପରେ ସେମାନଙ୍କୁ ୪୫ରୁ ୫୦ ବର୍ଷ ଛୁଇଁଥିବ । ସେତେବେଳେ ଓଡ଼ିଶାର ଜନସଂଖ୍ୟା ପିରାମିଡ୍ ଭିନ୍ନ ହେବ । ଏମିତିରେ ଆସନ୍ତା ୧୩ବର୍ଷ ପରେ ଅର୍ଥାତ୍ ୨୦୩୬ ବେଳକୁ ରାଜ୍ୟରେ ଜନସଂଖ୍ୟା କମୁଥିବା ଦେଖିବାକୁ ମିଳିବ ।

ପ୍ରଜନନ ହାରରେ ହ୍ରାସ ଓଡ଼ିଶା ପାଇଁ ଚିନ୍ତାର କାରଣ ହୋଇଛି । ଜନସଂଖ୍ୟାର ଏହି ପରିବର୍ତ୍ତନର ପ୍ରଭାବ ଶିକ୍ଷା, ସ୍ବାସ୍ଥ୍ୟ, କର୍ମନିଯୁକ୍ତି, କାର୍ଯ୍ୟଦକ୍ଷତା, ସାମଜିକ, ନିରାପତ୍ତା ଇତ୍ୟାଦି ଉପରେ ପଡ଼ିବ । ରାଜ୍ୟର ୧୪ ଜିଲ୍ଲାର ଦମ୍ପତି ପରିବାରକୁ ଗୋଟିଏ ସନ୍ତାନରେ ସୀମିତ ରଖିବାକୁ ଇଚ୍ଛା ପ୍ରକାଶ କରୁଛନ୍ତି । ତେଣୁ ଆଗାମୀ ୧୦ବର୍ଷ ପରେ ରାଜ୍ୟର ୩୦ ପ୍ରତିଶତ ପରିବାରରେ ଗୋଟିଏ ସନ୍ତାନ ହିଁ ଥିବେ । ପ୍ରଜନନ ହାରରେ ବ୍ୟତିକ୍ରମ ପାଇଁ ଆଗାମୀ ୨୦ବର୍ଷ ପରେ ଓଡ଼ିଶା ପାଇଁ ଚିନ୍ତାର କାରଣ ହେବ ବୋଲି କହିଛନ୍ତି ବିଶେଷଜ୍ଞ।

୨୦୧୧ରୁ ୨୦୨୧ ମଧ୍ୟରେ ଓଡ଼ିଶାରେ ଜନସଂଖ୍ୟା ଅଭିବୃଦ୍ଧି ହାର ୧୦ ପ୍ରତିଶତ ତଳେ ରହିଥିଲା । ଜାତୀୟ ହାର ତୁଳନାରେ ୧୯୭୧ରୁ କ୍ରମାଗତ ଭାବେ ଏହା ହ୍ରାସ ପାଉଛି । ଏହା ପୂର୍ବରୁ ଓଡ଼ିଶାର ଜନସଂଖ୍ୟା ଭାରତର ମୋଟ ଜନସଂଖ୍ୟାର ୪ ପ୍ରତିଶତ ଥିଲା, ଯାହା ବର୍ତ୍ତମାନ ୩.୫କୁ ହ୍ରାସ ପାଇଛି ।

   Related Posts