ଭୁବନେଶ୍ଵର: ଗତ କିଛି ଦିନ ହେବ ରାଜ୍ୟରେ ଶୀତ ଲହରି ଜାରି ରହିଛି। ତେବେ ଆଗାମୀ ଦୁଇ ଦିନ ରାଜ୍ୟର କିଛି ଜିଲ୍ଲା ପ୍ରବଳ ଶୀତ ଅନୁଭୂତ ହେବ। ବାୟୁ ମଣ୍ଡଳର ତଳ ଭାଗରେ ଥଣ୍ଡା ଓ ସୁଷ୍କ ବାୟୁ ରାଜ୍ୟ ମଧ୍ୟକୁ ପ୍ରବେଶ କରୁଥିବାରୁ କିଛି ଜିଲ୍ଲାରେ ପ୍ରବଳ ଜାଡ଼ ଅନୁଭୂତ ହେବ। ଏପରି ସ୍ଥିତିରେ ଆଗାମୀ ୨ରୁ ୩ ଦିନ ରାତି ତାପମାତ୍ରାରେ ୩ ରୁ ୫ ଡିଗ୍ରୀ ପର୍ଯ୍ୟନ୍ତ ହ୍ରାସ ପାଇବାର ସମ୍ଭାବନା ରହିଛି ।
ଆଗାମୀ ୨୪ ଘଣ୍ଟା ଭିତରେ ୯ ଜିଲ୍ଲାରେ ଶୀତ ଲହରୀ ପାଇଁ ଝାରସୁଗୁଡା, ସୁନ୍ଦରଗଡ, ଦେବଗଡ, କେନ୍ଦୁଝର, ମୟୁରଭଞ୍ଜ, ବାଲେସ୍ବର, ଭଦ୍ରକ, ଅନୁଗୁଳ ଏବଂ ଢେଙ୍କାନାଳ ଜିଲ୍ଲାକୁ ୱେଲୋ ୱାର୍ଣ୍ଣିଂ ଜାରି କରାଯାଇଛି । ସେହିପରି ପରବର୍ତ୍ତୀ ୨୪ ଘଣ୍ଡା ପାଇଁ ୧୨ ଜିଲ୍ଲା ଝାରସୁଗୁଡା, ସୁନ୍ଦରଗଡ, ଦେବଗଡ, କେନ୍ଦୁଝର, ସମ୍ବଲପୁର, ସୋନୁପୁର, ବୌଦ୍ଧ, କନ୍ଧମାଳ, ମୟୁରଭଞ୍ଜ, ବଲେଶ୍ବର, ଅନୁଗୁଲ ଏବଂ ଢେଙ୍କାନାଳ ଜିଲ୍ଲାକୁ ମଧ୍ୟ ୱେଲୋ ୱାର୍ଣ୍ଣିଂ ଜାରି କରାଯାଇଛି।
