ଟ୍ରେନ୍ ଦୁର୍ଘଟଣାକୁ ସାମ୍ପ୍ରଦାୟୀକ ରଙ୍ଗ ଦେବା ଉଦ୍ୟମ ପରେ ଆକ୍ସନରେ ଓଡ଼ିଶା ପୋଲିସ, ଦୃଢ କାର୍ଯ୍ୟାନୁଷ୍ଠାନ ଚେତାବନୀ

4/06/2023 at 5:00 PM

ଭୁବନେଶ୍ୱର: ବାଲେଶ୍ୱର ବାହାନଗାରେ ହୋଇଥିବା ଘଟିଥିବା ଭୟଙ୍କର ଟ୍ରେନ ଦୁର୍ଘଟଣା ଉପରେ ତଦନ୍ତ ଜାରି ରହିଛି । ଦୁର୍ଘଟଣା କାରଣ ଖୋଜା ଚାଲିଛି । ତେବେ ଏହାରି ଭିତରେ ସୋସିଆଲ ମିଡିଆରେ ବିଭିନ୍ନ ପ୍ରକାର ଅପପ୍ରଚାର କରାଯାଉଥିବା ନଜରକୁ ଆସିଛି । ଏହାପରେ ସତର୍କ ହୋଇଛି ଓଡ଼ିଶା ପୋଲିସ । ଓଡ଼ିଶା ପୋଲିସ ଚେତାବନୀ ଦେଇ କହିଛି ଯେ ଟ୍ରେନ ଦୁର୍ଘଟଣାକୁ ଯେଉଁମାନେ ସମ୍ପ୍ରଦାୟୀକ ରଙ୍ଗ ଦେବାକୁ ଉଦ୍ୟମ କରୁଛନ୍ତି ସେମାନଙ୍କ ବିରୋଧରେ କଡ଼ା ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ମିଛ ଏବଂ ଖରାପ ଉଦ୍ଦେଶ୍ୟ ଥିବା ପୋଷ୍ଟର ପ୍ରସାରଠାରୁ ଦୂରେଇ ରହିବାକୁ କୁହାଯାଇଛି ।

ଓଡ଼ିଶା ପୋଲିସ ନିଜ ଅଫିସିଆଲ ଟ୍ୱିଟର ହ୍ୟାଣ୍ଡଲରୁ ଟ୍ୱିଟ୍ କରି କହିଛି, ବାଲେଶ୍ୱରରେ ହୋଇଥିବା ଭୟଙ୍କର ଟ୍ରେନ ଦୁର୍ଘଟଣାକୁ କିଛି ସୋସିଆଲ ମଡିଆ ୟୁଜର ସାମ୍ପ୍ରଦାୟୀକ ରଙ୍ଗ ଦେବାକୁ ଉଦ୍ୟମ କରୁଥିବା ନଜରକୁ ଆସିଛି । ଯାହା ଅତ୍ୟନ୍ତ ଦୁର୍ଭାଗ୍ୟଜନକ ଅଟେ । ଜିଆରପି ଏବଂ ଓଡ଼ିଶା ଦ୍ୱାରା ଦୁର୍ଘଟଣାର ବିଭିନ୍ନ ଦିଗକୁ ନେଇ ତଦନ୍ତ ଜାରି ରହିଛି ।

ଏହାସହ ଓଡିଶା ପୋଲିସ କହିଛି, ମିଛି ଏବଂ ଖରାପ ଉଦ୍ଦେଶ୍ୟ ରଖି କରାଯାଉଥିବା ପୋଷ୍ଟ ଠାରୁ ସମସ୍ତେ ଦୂରେଇ ରହନ୍ତୁ । ମିଛି ପ୍ରଚାର କରି ଯେଉଁ ସାମ୍ପ୍ରଦାୟୀତ ସଦଭାବନାକୁ ନଷ୍ଟ କରିବାକୁ ଉଦ୍ୟମ କରୁଛନ୍ତି ସେମାନଙ୍କ ବିରୋଧରେ ଦୃଢ ଆଇନଗତ କାର୍ଯ୍ୟାନୁଷ୍ଠାନ ଆରମ୍ଭ କରାଯିବ ।

We appeal to all concerned to desist from circulating such false and ill-motivated posts. Severe legal action will be initiated against those who are trying to create communal disharmony by spreading rumours.
— Odisha Police (@odisha_police) June 4, 2023

ଓଡ଼ିଶା ପୋଲିସ ଏହି ଅପିଲ୍ ଏପରି ସମୟରେ ଆସିଛି, ଯେତେବେଳେ ଟ୍ରେନ ଦୁର୍ଘଟଣା ଫଟୋ ଏବଂ ଭିଡିଓକୁ ସୋସିଆଲ ମିଡିଆରେ ସେୟାର କରାଯାଇଛି । ଯେଉଁଥିରେ କିଛି ୟୁଜର ସାମ୍ପ୍ରଦାୟୀକ ଦିଗ ଦର୍ଶାଇବାକୁ ଉଦ୍ୟମ କରୁଛନ୍ତି ଏବଂ ଦାବି କରୁଛନ୍ତି ଯେ ଦୁର୍ଘଟଣାସ୍ଥଳରୁ ଅଳ୍ପ ଦୂରରେ ଏକ ମସଦିଜ ରହିଛି ।

ପଢନ୍ତୁ: ସୁପ୍ରିମକୋର୍ଟରେ ବାହାନଗା ଟ୍ରେନ୍ ଟ୍ରାଜେଡି; ‘କବଚ’ ସିଷ୍ଟମ୍ ଶୀଘ୍ର ଲାଗୁ କରିବା କୁ ଆବେଦନ