ଭୁବନେଶ୍ୱର ୨୩।୦୨ : ଡିଜିଙ୍କ କ୍ୟାମ୍ପ କାର୍ଯ୍ୟାଳୟରେ ଗୁରୁତ୍ବପୂର୍ଣ୍ଣ ବୈଠକ । ଏହି ବୈଠକରେ କ୍ରାଇମବ୍ରାଞ୍ଚ ଏଡିଜି ଅରୁଣ ବୋଥ୍ରା ଆଇନଶୃଙ୍ଖଳା ଏଡିଜି ଆର୍.କେ ଶର୍ମା, ଗୁଇନ୍ଦା ବିଭାଗ ଡିଆଇଜି ଅନୁପ ସାହୁ ଉପସ୍ଥିତ ରହିଛନ୍ତି । ଏହି ବୈଠକରେ ଗୋପାଳ ଦାସ ସମ୍ପର୍କରେ ଆଲୋଚନା ଚାଲିଥିବା ସୂଚନା ମିଳିଛି । ସେହିପରି ଫେଡରାଲ ବ୍ୟୁରୋ ଅଫ ଇନଭେଷ୍ଟିଗେସନ୍ (FBI) ସମ୍ପର୍କରେ ବି ଚାଲିଛି ଆଲୋଚନା।

ସୂଚନାଯୋଗ୍ୟ ଯେ, ନବ ଦାସ ହତ୍ୟା ମାମଲାରେ ବିବୃତି ରଖିଥିଲେ ମୁଖ୍ୟମନ୍ତ୍ରୀ । ନବ ଦାସଙ୍କ ମୃତ୍ୟୁ ଦୁଃଖଦାୟକ । ପଶ୍ଚିମ ଓଡ଼ିଶାର ବିକାଶ ପାଇଁ ନବ ଦାସ ଥିଲେ ପ୍ରତିବଦ୍ଧ । ନବ ଦାସ୍‌ଙ୍କ ଭଳି ଜଣେ ଟାଣୁଆ ନେତାଙ୍କୁ ଜଣେ ଏଏସ୍ଆଇ ହତ୍ୟା କରିଛନ୍ତି । ଯାହାକି ଗ୍ରହଣୀୟ ନୁହେଁ, ତଥାପି ଘଟଣାର ତଦନ୍ତ କ୍ରାଇମବ୍ରାଞ୍ଚ କରୁଛି । ଜଷ୍ଟିସ୍ ଜେପି ଦାସଙ୍କ ତଦାରଖରେ ଚାଲିଛି ତଦନ୍ତ ।

ବୈଜ୍ଞାନିକ ପଦ୍ଧତିରେ ତଦନ୍ତ ପାଇଁ କୁହାଯାଇଛି । ଅଭିଯୁକ୍ତର ଫରେନସିକ୍ ଟେଷ୍ଟ କରାଯାଇଛି । ନାର୍କୋ ଆନାଲିସିସ୍ ଟେଷ୍ଟ ମଧ୍ୟ କରାଯାଇଛି । ତେବେ ରାଜନୀତିରେ ଅପରାଧୀକରଣ ଶୁଭଙ୍କର ନୁହେଁ । ତେବେ ତଦନ୍ତ ପାଇଁ FBI ସହାୟତା ମାଗିଛୁ । ଆମେରିକାର ତଦନ୍ତକାରୀ ସଂସ୍ଥା FBIର ସହାୟତା ଲୋଡ଼ାଯାଇଛି । ଏ ନେଇ ସହଯୋଗ କରିବାକୁ ଗୃହ ମନ୍ତ୍ରାଳୟକୁ ଅନୁରୋଧ କରାଯାଇଛି ।