scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ସୁପ୍ରିମକୋର୍ଟଙ୍କ ନିର୍ଦ୍ଦେଶକୁ ବି ମାନିବେନି ଆଇନଜୀବୀ , ବୁଧବାର ଯାଏ ଆନ୍ଦୋଳନ ଜାରି ରହିବ

28/09/2018 at 5:44 PM

ଭୁବନେଶ୍ବର ୨୮|୯: ସୁପ୍ରିମକୋର୍ଟଙ୍କ ନିର୍ଦ୍ଦେଶକୁ ବି ମାନିବେନି ଆଇନଜୀବୀ । ବୁଧବାର ଯାଏ ଆନ୍ଦୋଳନ ଜାରି ରହିବ । ଆଜି ମଧ୍ୟ ଓକିଲ ସଂଘର ସଦସ୍ୟମାନେ ପିକେଟିଂ କରିଛନ୍ତି । ସେପଟେ ହାଇକୋର୍ଟକୁ ଭୁବନେଶ୍ୱରକୁ ଉଠାଇ ଆଣିବାକୁ ଦାବି କରି ରାସ୍ତାକୁ ଓହ୍ଲାଇଛି ଭୁବନେଶ୍ୱର ବାର୍ ଆସୋସିଏସନ ।

ସର୍ବୋଚ୍ଚ ନ୍ୟାୟାଳାୟଙ୍କ ନିର୍ଦ୍ଦେଶକୁବି ମାନିବେନି ଓଡ଼ିଶା ହାଇକୋର୍ଟ ଆଇଜୀବୀମାନେ । ସୁପ୍ରିମକୋର୍ଟ ପକ୍ଷ ରଖିବାକୁ ସୁଯୋଗ ଦେଇ ନ ଥିବା କହି କାର୍ଯ୍ୟବନ୍ଦ ଆନ୍ଦୋଳନ ଜାରି ରଖିବାକୁ ନିଷ୍ପତ୍ତି ନେଇଛି ହାଇକୋର୍ଟ ବାର୍ ଆସୋସିଏସନ୍ । ଓକିଲ-ପୋଲିସ ବିବାଦ ପ୍ରସଙ୍ଗରେ ଆସନ୍ତା ବୁଧବାର ଯାଏଁ ଆନ୍ଦୋଳନ ଜାରି ରହିବ ଓକିଲଙ୍କ ଆନ୍ଦୋଳନ । ବୁଧବାର ବୈଠକରେ ପରବର୍ତ୍ତୀ କାର୍ଯ୍ୟପନ୍ଥା ସ୍ଥିର ହେବ ବୋଲି ହାଇକୋର୍ଟ ବାର୍ ର ସଂପାଦକ ସତ୍ୟ ମହାନ୍ତି କହିଛନ୍ତି ।  ଆଜି ମଧ୍ୟ ଓକିଲ ସଂଘର ସଦସ୍ୟମାନେ ପିକେଟିଂ କରିଛନ୍ତି ।

ସେପଟେ ଭୁବନେଶ୍ୱର ବାର୍ ଆସୋସିଏସନ ବି ରାସ୍ତାକୁ ଓହ୍ଲାଇଛି । ଦାବି କରିଛି ହାଇକୋର୍ଟକୁ କଟକରୁ ଭୁବନେଶ୍ୱରକୁ ସ୍ଥାନାନ୍ତର କରାଯାଉ । ସବୁ ରାଜ୍ୟରେ ହାଇକୋର୍ଟ ରାଜଧାନୀରେ ଥିବା ବେଳେ ଏଠାରେ କାହିଁକି ବ୍ୟତିକ୍ରମ ବୋଲି ଭୁବନେଶ୍ୱର ବାର୍ ଆସୋସିଏସନ ପ୍ରଶ୍ନ କରିଛି । ବାର୍ ର ସଦସ୍ୟମାନେ ରାସ୍ତାରେ ଟାୟାର ଜାଣି କଟକ-ପୁରୀ ମଧ୍ୟରେ ଗାଡ଼ି ଚଳାଚଳକୁ କିଛି ଘଣ୍ଟା ଲାଗି ବନ୍ଦ କରିଥିଲେ । ସେପଟେ ଏହି ପ୍ରସଙ୍ଗରେ ହାଇକୋର୍ଟ ବାର୍ ଆସୋସିଏସନର ସଂପାଦକ କହିଛନ୍ତି, ଏହା ଏକ ପୁରୁଣା ପ୍ରସଙ୍ଗ ।

ହାଇକୋର୍ଟ ଆଇନଜୀବୀଙ୍କ ଦୀର୍ଘ ଦିନର ଆନ୍ଦୋଳନ ଲାଗି ସାଧାରଣ ଲୋକେ ନ୍ୟାୟ ପାଇବାରୁ ବଞ୍ଚିତ ହେଉଛନ୍ତି । ଏଥିରେ ହସ୍ତକ୍ଷେପ କରି ଆନ୍ଦୋଳନରୁ ଓହରିବାକୁ ନିର୍ଦ୍ଦେଶ ଦେଇଥିଲେ । କିନ୍ତୁ ସୁପ୍ରିମକୋର୍ଟଙ୍କ ନିର୍ଦ୍ଦେଶକୁ ବି ଆଇନଜୀବୀମାନେ ମାନି ନାହାନ୍ତି ।

   Related Posts