ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

କୁନିଙ୍କ ସହ ବାପିଙ୍କ ତୀର୍ଥ ଭ୍ରମଣ, ତେବେ ଚର୍ଚ୍ଚା ହିରୋଙ୍କ ସହ କିଏ ଏହି ନାୟିକା ?

4/01/2020 at 5:46 PM

ବାଲେଶ୍ୱର ୦୪।୦୧: ଯାତ୍ରା ଜଗତର ନାୟକ ବାପି ପଣ୍ଡା କୁନିଙ୍କୁ ଧରି କାଶ୍ମୀର ଟୁ କନ୍ୟା କୁମାରୀ ବୁଲିବାକୁ ଯାଇଛନ୍ତି।  ତେବେ ଏ କୁନି କିଏ ? କେଉଁ ଯାତ୍ରା ପାର୍ଟିର ନାୟିକା । ଏହାର ଉତ୍ତର ଅନ୍ୟ ନାୟିକାମାନେ ଖୋଜୁଛନ୍ତି । ଓଡ଼ିଆ ଯାତ୍ରା ଜଗତର ନାୟିକାଙ୍କ ପାଇଁ ଏହି କୁନିଙ୍କୁ ପୁରା ନୂଆ ଚେହେରା । ଏ ପୁଣି କେଉଁଠୁ ଆସିଲେ,ବାପିଙ୍କ ସହ ରଙ୍ଗ ମଞ୍ଚରେ ଅଭିନୟ କରିଥିବା ନାୟିକାମାନେ ପଚାରୁଛନ୍ତି ।

ଆପଣମାନେ ଜାଣନ୍ତି କି । ଏ ନାୟିକା ଏମିତି ସେମିତି ନୁହଁନ୍ତି । ଏ ହେଉଛନ୍ତି  ନାୟକ ବାପିଙ୍କ ଜୀବନର ନାୟିକା । ଅର୍ଥାତ ତାଙ୍କ ଧର୍ମ ପତ୍ନୀ କୁନି ପଣ୍ଡା । ବାଘାଯତୀନ ଲୋକନାଟ୍ୟର ନାୟକ ବାପି ପଣ୍ଡାଙ୍କ ସହ ପତ୍ନୀ କୁନି ଭାରତ ବୁଲିବାକୁ ଯାଇଛନ୍ତି । ଏବେ କେରଳରେ ବୁଲୁଛନ୍ତି । ଗତ ୧ ରୁ ୧୦ ତାରିଖ ପର୍ଯ୍ୟନ୍ତ  ଯାତ୍ରା ପାର୍ଟି ବନ୍ଦ ରହିଛି । ତେଣୁ ଏହି ବିରତି ସମୟକୁ ବାପି ମିସ୍‌ କରିନାହାନ୍ତି । ଛୁଟିର ସବୁ ସମୟ ସେ ପତ୍ନୀ କୁନିଙ୍କ ପାଇଁ ଦେଇଛନ୍ତି ।  ଆଉ କୁନି ବି ବାପିଙ୍କ ସହ କେରଳରେ ବେଶ ମସ୍ତି କରିବାର ଦେଖିବାକୁ ମିଳିଛି ।

ଆପଣମାନେ ଭାବୁଥିବେ ନାୟକ ବାପିଙ୍କ ଏହି ଫୋଟୋ ଏକ ରଙ୍ଗମଞ୍ଚର । ଯଦି ଭାବୁଛନ୍ତି ତାହା ପୂରା ଭୁଲ । ଏହା ହେଉଛି କେରଳର ପ୍ରସିଦ୍ଧ ପଦ୍ନନାଭମ ମନ୍ଦିର । ଯେଉଁଠି ବାପି ପତ୍ନୀ ସହ ଧୂତି ପିନ୍ଧିଛନ୍ତି । ଏକା ବାପି ନୁହଁ, ତାଙ୍କ ପତ୍ନୀ କୁନି ବି ଧୋତି ପିନ୍ଧିଛନ୍ତି ।  ଖୁସିରେ ଏଭଳି ବେଶ ନୁହଁ । ମନ୍ଦିର ପରମ୍ପରାରେ ଏହା ରହିଛି । ଯେଉଁ ଭକ୍ତ ଆସିବେ, ସେ ମହିଳା ହେଉ ବା ପୁରୁଷ, ସେମାନେ ଧୋତି ପିନ୍ଧି ନାରାୟଣଙ୍କ ଦର୍ଶନ କରିବେ । ଏହି ପରମ୍ପରା ବାପିଙ୍କୁ ଯେତିକି ଖୁସି ଦେଇଛି । ତାଠୁ ବେଶୀ ଆନନ୍ଦ ପାଇଛନ୍ତି କୁନି । କୁନି କହିଛନ୍ତି, ଧୋତି ପିନ୍ଧିବା ପରେ ବାପିଙ୍କ ସହ  ଚାଲି ଚାଲି ଭଗବାନଙ୍କ ଦର୍ଶନା ଥିଲା ମୋ ପାଇଁ ନିଆରା ଅନୁଭୂତି ।

 ବାପିଙ୍କ ଏହି ଭ୍ରମଣ ପଛରେ ରହିଛି ମଜାଦାର କଥା । ବ୍ୟସ୍ତ ଜୀବନ  ଭିତରେ ବାପି କୁନିଙ୍କ ପ୍ରତି ସମୟ ଦେଇ ପାରୁ ନ ଥିଲେ । ଏଥିପାଇଁ କୁନି ସବୁବେଳେ ଅଭିମାନ କରୁଥିଲେ । କୁନି ଅଳି କରୁଥିଲେ,  ଆଉ କହୁଥିଲେ-ମୋତେ କନ୍ୟାକୁମାରୀ କେବେ ନେବ । ଯାତ୍ରା ଅବସର ବିରତିରେ ବାପି କୁନିଙ୍କ ଏହି ସରପ୍ରାଇଜ ଦେଇଛନ୍ତି । ଭୁବନେଶ୍ୱରରୁ ଚେନ୍ନାଇ ଏରୋପ୍ଲେନରେ ଯାତ୍ରା କରିଛନ୍ତି । ତ୍ରିଭେନ୍ଦ୍ରମର ପଦ୍ମନାଭମ ମନ୍ଦିରରେ ନାରାୟଣ ଦର୍ଶନ, ଶୁସିନ୍ଦ୍ରୀୟମ ମହାବୀର, କନ୍ୟାକୁମାରୀର,  ସ୍ୱାମୀ ବିବେକାନନ୍ଦ ରୋକ,  ସମଦ୍ର ମଝିରେ ପାର୍ବତୀ ଦର୍ଶନ, କଭଲମ, ରାମେଶ୍ୱରମ-ଭାୟା ମଦୁରାଇ, ତିରୁପତି, ପଣ୍ଡିଚେରୀ, ଚେନ୍ନାଇ ଆଦି ଅଞ୍ଚଳ ଭ୍ରମଣ କରି ଫେରିବାକୁ ବାପ-କୁନି ଯୋଜନା କରିଛନ୍ତି । କେରଳ, ତାମିଲନାଡ଼ୁ, ହାଇଦ୍ରାବାଦ ଆଦି ଅଞ୍ଚଳର ମନଲୋଭା ସ୍ଥାନ ଭ୍ରମଣ କରୁଛନ୍ତି ।

ପତ୍ନୀଙ୍କ ସହ ଆକାଶରେ ଉଡ଼ି ଉଡ଼ି ଯାଇଥିବା ବାପି କେଉଁଠି ବୋଟିଂ କରୁଛନ୍ତି ତ ଆଉ କେଉଁଠି ଟଏ ଟ୍ରେନରେ  ବସି ମଜା ନେଉଛନ୍ତି ।  ଏଭଳି ଫଟୋ ଏବେ ସୋସିଆଲ ମିଡିଆରେ ଭାଇରାଲ ହୋଇଛି । ଏହି ଫଟୋକୁ ବାପି ଛାଡ଼ି ନାହାନ୍ତି । ତାଙ୍କ ସାଙ୍ଗମାନେ ଭାଇରାଲ କରିବାରେ ଲାଗିଛନ୍ତି ।

   Related Posts