ଭୁବନେଶ୍ୱର ୧୭/୦୩: ସରକାରୀ କର୍ମଚାରୀ ବୈଦ୍ୟୁତିକ ଯାନ କିଣିବାକୁ ସୁବିଧା ଯୋଗାଇବେ ରାଜ୍ୟ ସରକାରା। ଏନେଇ ରାଜ୍ୟ ଅର୍ଥ ବିଭାଗ ପକ୍ଷରୁ ଗାଇଡ୍‌ ଲାଇନ୍‌ ଜାରି କରାଯାଇଛି। ଏହି ସୁବିଧା ଅନୁସାରେ ସରକାରୀ କର୍ମଚାରୀ ଇ-ଭେଇକିଲ୍‌ ପାଇଁ ବିନା ସୁଧରେ ଅଗ୍ରିମ ନେଇପାରିବେ। ଅନ୍ୟପଟେ ଯେଉଁ କର୍ମଚାରୀ ଅଗ୍ରିମ ଟଙ୍କା ନେଇ ଅନ୍ୟ ଅଲଗା କାମରେ ଖର୍ଚ୍ଚ କରିବେ ସେମାନଙ୍କ ଉପରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ନିଆଯିବ। ଦୁଇ ଚକିଆ ଓ ଚାରି ଚକିଆ ଇ-ଭେଇକିଲ୍‌ କିଣିବା ପାଇଁ ଅଗ୍ରିମ ଅର୍ଥ ରାଶି  ମିଳିବ ବୋଲି କୁହାଯାଇଛି। କିନ୍ତୁ କେବଳ ଗୋଟିଏ ଯାନ କିଣିବା ପାଇଁ ଅଗ୍ରିମ ଅର୍ଥ ରାଶି ମିଳିବ ବୋଲି ଜଣାପଡ଼ିଛି। ଏହି ସୁବିଧା ୨୦୨୫ ଡିସେମ୍ୱର ୩୧ ପର୍ଯ୍ୟନ୍ତ ଉପଲବ୍ଧ ହେବ।