ବରଗଡ଼: ଜାତସ୍ୟ ହି ଧ୍ରୁବୋ ମୃତ୍ୟୁ। ଜନ୍ମ ନେଇଛେ ଯେତେବେଳେ ଦିନେ ନା ଦିନେ ମୃତ୍ୟୁ ଆସିବ ନିଶ୍ଚିତ। ଆତ୍ମୀୟ ସ୍ୱଜନଙ୍କୁ ଶୋକ ସାଗରରେ ବୁଡାଇ ଦିନେ ଫେରିବାକୁ ହେବ ସମସ୍ତଙ୍କୁ। ହେଲେ ବରଗଡ ଜିଲ୍ଲା ତବଡା ପଞ୍ଚାୟତ ଅନ୍ତର୍ଗତ କଳଙ୍ଗାପାଳି ଗ୍ରାମର ଜଣେ ବ୍ୟକ୍ତିଙ୍କର ମୃତ୍ୟୁରେ ପରିବାର ଲୋକେ ଡିଜେ ବଜାଇ ତାଙ୍କୁ ଅନ୍ତିମ ବିଦାୟ ଦେଇଛନ୍ତି। ଏଭଳି ଘଟଣା ସ୍ଥାନୀୟ ଲୋକଙ୍କ ଚକ୍କିତ କରିଛି।
ଗ୍ରାମର ଶତାୟୁ ବୃଦ୍ଧ କୁଶ ମେହେର ବୟସ( ୧୦୫)ଙ୍କର ଆଜି ମୃତ୍ୟୁ ହୋଇଛି। ଦୀର୍ଘ ଜୀବନ ବଞ୍ଚିବା ପରେ ଶେଷରେ ୧୦୫ ବର୍ଷ ବୟସରେ ସେ ଇହଧାମରୁ ବିଦାୟ ନେଇଛନ୍ତି। ଏଥିପାଇଁ କୁଶଙ୍କ ପରିବାର ଲୋକେ ତାଙ୍କୁ ଡିଜେ ବଜାଇ ବରଯାତ୍ରୀ ଭଳି ବିଦାୟ ଦେଇଥିଲେ। ଶୋଭାଯାତ୍ରାରେ ମଶାଣି ଯାଇଥିଲା ମରଶରୀର।
କୁଶଙ୍କ ପରିବାର ଲୋକେ ଡିଜେ ବଜାଇ ନାଚ ଗୀତ କରି ତାଙ୍କୁ ମଶାଣି ଯାଏ ନେଇଯାଇଥିଲେ। ଅନ୍ତିମ ଯାତ୍ରାରେ ଏଭଳି ଆୟୋଜନ ଦେଖି ବାଟରେ ଯାଉଥିବା ଲୋକ ବି ଆଶ୍ଚର୍ଯ୍ୟ ହୋଇଯାଇଥିଲେ। କୁଶ ମେହେରଙ୍କ ଅନ୍ତିମ ଯାତ୍ରାରେ ପରିବାର ବର୍ଗ , ବନ୍ଧୁବାନ୍ଧବ, ଜାତିଭାଇ ଗାଁ ଦାଣ୍ଡରେ ହସ ଉଲ୍ଲାସରେ ନାଚି ନାଚି ପରିବାର ପକ୍ଷରୁ ଜୀବନର ଶେଷକାଳୀନ ବିଦାୟ ଦେଇଛନ୍ତି।
ପ୍ରଚାର ମୈଦାନକୁ ଓହ୍ଲାଇବେ ବିଜେଡି ସୁପ୍ରିମୋ, ହିଞ୍...