ବିନିକା ୧୧।୦୯ : ସୋନପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ବଡ଼ଫଟାମୁଣ୍ଡା ସ୍ଥିତ ଓଡିଶା ଆଦର୍ଶ ବିଦ୍ୟାଳୟ ପ୍ରବେଶ ଉତ୍ସବ ଅନୁଷ୍ଠିତ l ଏଥିରେ ମୁଖ୍ୟ ଅତିଥି ଭାବେ ଭାବେ ସ୍ୱାସ୍ଥ୍ୟ ମନ୍ତ୍ରୀ  ଶ୍ରୀଯୁକ୍ତ ନିରଞ୍ଜନ ପୂଜାରୀ ଯୋଗ ଦେଇଥିଲେ l ଆଉ ସମ୍ମାନିତ ଅତିଥିଭାବେ ସୋନପୁର ଜିଲ୍ଲାପାଳ ବିମେଳେନ୍ଦୁ ରାୟ, ଜିଲ୍ଲା ଶିକ୍ଷାଧିକାରୀ ଲକ୍ଷ୍ମଣ ଭୋଇ ଓ ଜିଲ୍ଲା ପରିଷଦ ଅଧକ୍ଷ୍ୟା ସୁପାର ଠେଲା ଯୋଗଦେଇଥିଲେ l

ତେବେ ମନ୍ତ୍ରୀ ନିରଞ୍ଜନ ପୁଜାରୀ ଉଦ୍‌ବୋଧନରେ କହିଥିଲେ ଯେ, ଏହି ବିଦ୍ୟାଳୟର କେହି ମେଡିକାଲ ପଢିବା ପାଇଁ ଯୋଗ୍ୟ ବିବେଚିତ ହେଲେ ତାଙ୍କର ପାଠପଢାର ସମସ୍ତ ଖର୍ଚ୍ଚ ନିଜ ପକେଟରୁ ବହନ କରିବେ ଓ ସ୍ମାର୍ଟ କ୍ଲାସ ରୁମ ବ୍ୟବସ୍ଥା କରାଯିବ । ଏହାସହ ଅବିଭାବକମାନଙ୍କ ତରଫରୁ ଦିଆଯାଇଥିବା ଦାବୀପତ୍ର ତଥା ଛାତ୍ରଛାତ୍ରୀ ଯିବାଆସିବା ପାଇଁ ସ୍କୁଲ ବସ, ଖାଲି ପଡିଥିବା ଶିକ୍ଷକ ପଦବୀ ପୂରଣ, ଖେଳପଡିଆ, ସାଇକଲ ଷ୍ଟାଣ୍ଡ ଓ ସ୍କୁଲ ସମ୍ମୁଖରେ ବସଷ୍ଟପ ପ୍ରମୁଖ ଦାବୀ ଖୁବଶୀଘ୍ର ପୂରଣ କରିବା ପାଇଁ ପ୍ରତିଶ୍ରୁତି ଦେଇଥିଲେ l

ସେହିପରି ବିଦ୍ୟାଳୟର କୋଠା ନିର୍ମାଣ କରିଥିବା ସରୋଜ ମିଶ୍ର ଏବଂ  ସମସ୍ତ କାର୍ଯ୍ୟକ୍ରମରେ ସହଯୋଗ କରୁଥିବା ଫଟାମୁଣ୍ଡା ଗ୍ରାମବାସୀଙ୍କୁ ସମ୍ମାନିତ କରାଯାଇଥିଲା । ଶେଷରେ ଛାତ୍ରଛାତ୍ରୀଙ୍କୁ ପୁରସ୍କାର ବିତରଣ କରାଯାଇଥିଲା ।