scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ପୁଣି ଦାଦନ ଦୁଃଖ : କୁଏତରେ ଫସିଛନ୍ତି ଓଡିଆ ଶ୍ରମିକ, ଦିଆଯାଉଛି ନିର୍ଯାତନା

18/02/2020 at 7:24 AM

ସାନଖେମୁଣ୍ଡି ୧୮।୨: ଦିନକୁ ଦିନ ବଢିବାରେ ଲାଗିଛି ଦାଦନ ଶ୍ରମିକଙ୍କ ଦୁଃଖ । ପରିବାର ପ୍ରତିପୋଷଣ ପାଇଁ ସୁଦୂର କୁଏତକୁ ଦଲାଲଙ୍କ ମାଧ୍ୟମରେ ବଡ ବଡ କମ୍ପାନୀ ଏବଂ ଭଲ କାମର ଲୋଭ ଦେଖାଇ ବାହାରକୁ ଯାଉଛନ୍ତି । ହେଲେ ସେଠି ନିମ୍ନମାନର ଖାଦ୍ୟ ସହ ଅମାନୁଷିକ ଭାବେ ଅନ୍ୟ କାର୍ଯ୍ୟରେ ନିୟୋଜିତ କରାଯାଉଛି । ଆଉ ଠିକ୍ ସମୟରେ ଦରମା ମଧ୍ୟ ଦିଆଯାଉନାହିଁ । ତେଣୁ ଅନେକ ଦାଦନ ଶ୍ରମିକ ଫସି ରହୁଥିବା ବେଳେ କିଛି ଶ୍ରମିକଙ୍କ ମୃତ୍ୟୁ ମଧ୍ୟ ହେଉଥିବା ଦେଖିବାକୁ ମିଳୁଛି ।

ସୂଚନାଯୋଗ୍ୟ ଯେ, ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ ହିଞ୍ଜିଳି ଥାନା ଅନ୍ତର୍ଗତ ଆଡପଡା ଗାଁର ୨୭ ବର୍ଷ ବୟସ୍କ ଜିଲୁ ପୃଷ୍ଟି ଆନ୍ଧ୍ର ଏଜେଣ୍ଟଙ୍କ ଦ୍ଵାରା ଦାଦାନ ଖଟିବାକୁ ଯାଇ କୁଏତରେ ଫସିଛନ୍ତି । ବାହାରେ କାର୍ଯ୍ୟ କରିବା ସହ ପରିବାରର ଋଣ ସୁଝିବା ପାଇଁ ଅଧିକ ଟଙ୍କାର ଲାଳସାରେ କୁଏତ ଯାଇଥିଲେ ।

ହେଲେ ସେଠାରେ ତାଙ୍କୁ କିଭଳି ନିର୍ଯାତନା ଦିଆଯାଉଛି ସେ ଏବେ ସୋସିଆଲ ମିଡିଆରେ ପୋଷ୍ଟ କରିଛନ୍ତି । ତାଙ୍କୁ ଖାଇବା ସହ ଟଙ୍କା ଦେଉନଥିବା ବେଳେ କମ୍ପାନୀରୁ ବାହାରକୁ ବାହାର କରିଦେଇଥିଲେ ଏବଂ ସେ ଏବେ ୬ ମାସ ହେଲା କୁଏତରେ ଘର ଭଡା ନେଇ ରହୁଛନ୍ତି । ଘର ଲୋକଙ୍କୁ ଟଙ୍କା ମାଗି ଚଳୁଛନ୍ତି ।

ପୁଣି ଉକ୍ତ କମ୍ପାନୀ ଜିଲୁଙ୍କ ନାଁରେ କେସ୍ କରିଥିବା ସେ କହିଥିବା ବେଳେ ତାଙ୍କୁ ଭାରତୀୟ ଦୂତାବାସ କୌଣସି ସହଯୋଗ କରୁନାହିଁ । ଆଜି କୁଏତର ପୋଲିସ ତାଙ୍କୁ ଗିରଫ କରିବା ସହ ଜେଲ ପଠାଇବ ବୋଲି ଓ୍ବାଟ୍ସଆପ୍ ଭିଡିଓ କଲି ରେ ସେ ଜଣାଇଛନ୍ତି ।

   Related Posts