ଭୁବନେଶ୍ବର ୧୪।୩: ହିରୋ ହେବାକୁ ଅଭିନେତାଙ୍କୁ ଟଙ୍କା ମାଗିଲେ ନିର୍ଦ୍ଦେଶକ । ହଙ୍ଗାମା ଯୋଗୁଁ ଅଧାରୁ ବନ୍ଦ ହେଲା ସୁଟିଂ । ଭୁବନେଶ୍ବର ସ୍ଥିତ ଜୟଦେବ ବାଟିକାରେ ଜୀ ମ୍ୟୁଜିକ୍ ପକ୍ଷରୁ ସୁଟିଂ ଚାଲିଥିବା ବେଳେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ।

ଭୁବନେଶ୍ବରକୁ ମ୍ୟୁଜିକ୍ ଭି଼ଡିଓ ସୁଟିଂ କରିବାକୁ ଆସି ହଟହଟା ହେଲେ ବଲିଉଡ୍ ଅଭିନେତ୍ରୀ । ଏହି ଭିଡିଓରେ ବଲିଉଡ୍ ଅଭିନେତ୍ରୀଙ୍କ ବିପକ୍ଷରେ ଓଲିଉଡର ଜଣେ ଅଭିନେତା ଅଭିନୟ କରିବାର ଥିଲା । ବଲିଉଡ୍ ଅଭିନେତ୍ରୀଙ୍କ ସହ ଅଭିନୟ କରିବା ପାଇଁ ଓଲିଉଡ୍ ଅଭିନେତାଙ୍କୁ ଟଙ୍କା ମଗାଯାଇଥିଲା
। ସୁଟିଂ ପୂର୍ବଦିନ ଓଡ଼ିଆ ହିରୋଙ୍କୁ ପ୍ରଯୋଜକ ରିଜେକ୍ଟ କରିଥିଲେ । ଏହାକୁ ନେଇ ଓଲିଉଡ ଅଭିନେତା ଜଣଙ୍କ ପୋଲିସ ସହିତ ସୁଟିଂ ସେଟ୍‌ରେ ପହଞ୍ଚି ହଙ୍ଗାମା କରିଥିଲେ । ଅଭିଯୋଗ ପରେ ନିର୍ଦ୍ଦେଶକ ଓ ପ୍ରଯୋଜକଙ୍କୁ ଅଟକ ରଖି ପଚରାଉଚରା କରୁଛି ପୋଲିସ । ହଙ୍ଗାମା ପରେ ସୁଟିଂ ଅଧାରୁ ବନ୍ଦ ହୋଇଯାଇଛି ।