ଭୁବନେଶ୍ୱର,୩୦/୧୧: ଓଡିଶା ଝିଅଙ୍କ ସଫଳତା । ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡାର ଝିଅ ଶୀତଲ ଜୈନ ଇଂଲଣ୍ଡ ଅକ୍ସଫୋର୍ଡ ବିଶ୍ୱବିଦ୍ୟାଳୟ କେଲଗ କଲେଜର ଏକ କମିଟିର ସଭାପତି ହୋଇଛନ୍ତି । ସେ କଲେଜର ଏମସିଆର କମିଟିରେ ସଭାପତି ନିର୍ବାଚିତ ହୋଇଛନ୍ତି ।ଖବରକୁ ନେଇ ତାଙ୍କ ପୈତୃକ ଗ୍ରାମରେ ଆନନ୍ଦ ଖେଳିଯାଇଛି ।
ସୂଚନାନୁସାରେ, ଶୀତଲଙ୍କ ଘର କଳାହାଣ୍ଡିର ବଙ୍ଗୋମୁଣ୍ଡା । ସେ ଜୟପ୍ରକାଶ ଜୈନ ଓ କାନ୍ତାଦେବୀଙ୍କ କନ୍ୟା ଅଟନ୍ତି । ସେ ଗତ ବର୍ଷ ଅକ୍ଟୋବର ମାସରେ ଅକ୍ସଫୋର୍ଡରେ ପଢିବାକୁ ଯୋଗ୍ୟ ସାବ୍ୟସ୍ତ ହୋଇଥିଲେ ।ମୋଟ ୫୪ଟି ସିଟ୍ ମଧ୍ୟରୁ ଏକମାତ୍ର ଭାରତୀୟ ଭାବେ ତାଙ୍କୁ ଚୟନ କରାଯାଇଥିଲା । ସେଠାରେ ସେ ଡିଫିଲ୍ କାର୍ଯ୍ୟକ୍ରମରେ ପିଏଚଡି କରୁଛନ୍ତି ।
ଏହାପୂର୍ବରୁ ଶୀତଲ ଦିଲ୍ଲୀ ବିଶ୍ୱବିଦ୍ୟାଳୟରେ ଇତିହାସରେ ସ୍ନାତକ କରିଥିଲେ । ପରେ ସେ ଜେଏନୟୁରେ ନାମ ଲେଖାଇଥିଲେ । ସେଠାରେ ସେ ପିଜି ଓ ଏମଫିଲ ସମାପ୍ତ କରିଥିଲେ । ତେବେ ତାଙ୍କୁ ଅକ୍ଟଫୋର୍ଡର କେଲଗ କଲେଜର ଏକ କମିଟିର ସଭାପତି ହେବା ପରେ ନିଜ ଅଞ୍ଚଳ ତଥା ଓଡିଶା ପାଇଁ ଗର୍ବ ଆଣିଛନ୍ତି ।
