ଭୁବନେଶ୍ଵର ୦୪।୧୧: ବଲିଉଡ୍ରେ ପୁଣି କମାଲ କଲେ ଓଡ଼ିଆ ପୁଅ । ସୋନପୁରର ରାଜ କିଶୋର ହୋତାଙ୍କୁ ନେଇ ସବୁଠି ଚର୍ଚ୍ଚା । ଫିଲ୍ମ `ଭୁଲ ଭୁଲେୟାଁ-୩'ରେ ସହ ନିର୍ଦ୍ଦେଶକ ଭାବେ କାମ କରିଥିଲେ । ଅନେକ ଦିନ ଧରି ସେ ବଲିଉଡ ଇଣ୍ଡଷ୍ଟ୍ରିରେ କାମ କରି ଆସୁଛନ୍ତି । ପୂର୍ବରୁ ଅନେକ ସିନେମାରେ ନିଜ ଦକ୍ଷତା ଦେଖାଇଛନ୍ତି ରାଜ କିଶୋର । ଏହି ଚଳଚ୍ଚିତ୍ର ପାଇଁ ତାଙ୍କୁ ବିଭିନ୍ନ ମହଲରୁ ପ୍ରଶଂସା ମିଳିବାରେ ଲାଗିଛି।
‘ଆଇ ଆମ କଲାମ’, ‘କୌନ କିତନେ ପାନି ମେ’ ତଥା ‘ଡ୍ରିମ ଗାର୍ଲ-୨’ ଭଳି ବଲିଉଡ୍ ଫିଲ୍ମରେ ସହ ନିର୍ଦ୍ଦେଶକ ଭାବେ କାମ କରିଛନ୍ତି ରାଜ କିଶୋର। କେବଳ ସେତିକି ନୁହେଁ ଓଡ଼ିଶାର କାହାଣୀକୁ ନେଇ ପ୍ରସ୍ତୁତ ସିନେମା ‘ଦ ମାଉଣ୍ଟନ ହକି’ର ପ୍ରଯୋଜନା ଦାୟିତ୍ୱ ମଧ୍ୟ ସେ ତୁଲାଇଛନ୍ତି। ହେଲେ ଏବେ ନିଜ ଫିଲ୍ମ ଭୁଲ ଭୁଲେୟାଁ-୩କୁ ନେଇ ଏବେ ବେଶ ଉତ୍ସାହିତ ଅଛନ୍ତି ।
