ଭୁବନେଶ୍ଵର: ଫାଇଭ୍-ଟି ସଚିବ ଭି.କେ.ପାଣ୍ଡିଆନଙ୍କ ଉପରକୁ କାଳିମାଡ଼ ଘଟଣାକୁ ଦୃଢ଼ ଭାବେ ନିନ୍ଦା କରିଛି ଓଡ଼ିଶା ପ୍ରଶାସନିକ ସେବା ସଂଘ । ସଂଘ କହିଛନ୍ତି ସରକାରୀ କର୍ମଚାରୀ ହେଉଛନ୍ତି ଶାସନ ପ୍ରକ୍ରିୟାର ଅବିଛେଦ୍ୟ ଅଙ୍ଗ । ଲୋକଙ୍କ ପାଇଁ କରାଯାଉଥିବା ଉନ୍ନୟନମୂଳକ କାର୍ଯ୍ୟର ତଦାରଖ, ପରିଚାଳନା ଏବଂ ସଫଳ ରୂପାୟନ ପାଇଁ ସେମାନେ ସଦା ସର୍ବଦା ଲୋକଙ୍କ ନିକଟକୁ ଯାଇଥାନ୍ତି । ଜଣେ ବରିଷ୍ଠ ସରକାରୀ ଅଧିକାରୀ ଶୁଦ୍ଧପୂତ ମନରେ ଏବଂ ଅଙ୍ଗିକାର ବଦ୍ଧତାର ସହ ଜନକଲ୍ୟାଣକାରୀ ଯୋଜନାର କାର୍ଯ୍ୟକାରିତାକୁ ରୂପରେଖ ଦେବା ପାଇଁ ଯାଇଥିବା ବେଳେ ତାଙ୍କ ଉପରେ କାଳିମାଡ଼ ଘଟଣାକୁ ଓଡ଼ିଶା ପ୍ରଶାସନିକ ସେବା ସଂଘ ଦୃଢ଼ ନିନ୍ଦା କରୁଛି । ଏଭଳି ଅଶୋଭନୀୟ କାର୍ଯ୍ୟ କରିଥିବା ବ୍ୟକ୍ତିଙ୍କୁ ଦୃଷ୍ଟାନ୍ତମୂଳକ ଦଣ୍ଡ ପ୍ରଦାନ କରିବାକୁ ଦାବି କରିଛି ସଂଘ ।
wp:html /wp:htmlସୂଚନାଯୋଗ୍ୟ, ଆଜି ପୁରୀ ଜିଲ୍ଲା ଗସ୍ତର ଦ୍ବିତୀୟ ଦିନରେ କାକଟପୁର, ନିମାପଡ଼ା, ପୁରୀ ଓ ସତ୍ୟବାଦୀରେ 5T ସଚିବଙ୍କ କାର୍ଯ୍ୟକ୍ରମ ରହିଥିଲା କାକଟପୁର, ନିମାପଡ଼ା ଓ ପୁରୀରେ କାର୍ଯ୍ୟକ୍ରମ ସାରି ସତ୍ୟବାଦୀରେ ପହଞ୍ଚିଥିଲେ 5T ସଚିବ । ସତ୍ୟବାଦୀ ୟୁଜିଏସ୍ କଲେଜରେ ଆୟୋଜିତ ହୋଇଥିବା ସଭାରେ ଯୋଗ ଦେବା ପୂର୍ବରୁ ସେଠାରେ ଉପସ୍ଥିତ ମିଶନ ଶକ୍ତି ମହିଳାଙ୍କ ସହ ହାତ ମିଳାଇଥିଲେ 5T ସଚିବ । ଏହି ସମୟରେ ଭାସ୍କର ସାହୁ ହଠାତ୍ ପଶି ଆସି ବୋତଲରେ ଆଣିଥିବା କାଳିକୁ 5T ସଚିବଙ୍କ ଉପରକୁ ଫିଙ୍କି ଦେଇଥିଲା । 5T ସଚିବଙ୍କ ସମେତ ପୁରୀ ଜିଲ୍ଲାପାଳ ଏବଂ ସେଠାରେ ଉପସ୍ଥିତ ଅନ୍ୟ ପ୍ରଶାସନିକ ଅଧିକାରୀଙ୍କ ଉପରେ ମଧ୍ୟ କାଳି ପଡ଼ିଥିଲା । ସ୍ଥାନୀୟ ଲୋକେ ଅଭିଯୁକ୍ତକୁ ନିଜ ଅକ୍ତିଆରକୁ ନେବା ପୂର୍ବରୁ ପୋଲିସ ତାଙ୍କୁ ଗିରଫ କରିନେଇଥିଲା
wp:heading {"level":4}