ପର୍ଥ ୨୯।୧୦ : ଶ୍ରୀଲଙ୍କାକୁ ୧୬୮ ରନ୍ର ଟାର୍ଗେଟ ଦେଲା ନ୍ୟୁଜିଲାଣ୍ଡ । ଟି-୨୦ ବିଶ୍ୱକପ୍ରେ ଚାଲିଥିବା ଏହି ଗୁରୁତ୍ୱପୁର୍ଣ୍ଣ ମ୍ୟାଚ୍ରେ ନ୍ୟୁଜିଲାଣ୍ଡ ପ୍ରଥମେ ବ୍ୟାଟିଂ କରି ଶ୍ରୀଲଙ୍କାକୁ ୧୬୮ରନ୍ର ଟାର୍ଗେଟ ଦେଇଛି । ମୋଟ ୨୦ ଓଭର ବ୍ୟାଟିଂ କରି ପାଞ୍ଚୋଟି ଓ୍ୱିକେଟ୍ ହରାଇ ୧୬୭ ରନ୍ କରିବାରେ ସମର୍ଥ ହୋଇଛି କିଓ୍ୱି ଟିମ୍ ।
wp:html/wp:htmlGlenn Phillips brings up a phenomenal hundred, his second in T20Is 😍#T20WorldCup | #NZvSL | 📝: https://t.co/7YevVnQdfG pic.twitter.com/4WydiUhzyw
— ICC (@ICC) October 29, 2022
ଶନିବାର ସିଡ୍ନୀ କ୍ରିକେଟ୍ ଗ୍ରାଉଣ୍ଡରେ ଚାଲିଥିବା ଏହି ମ୍ୟାଚ୍ରେ ନ୍ୟୁଜିଲାଣ୍ଡ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା । ହେଲେ ଟସ୍ ଜିତି ବ୍ୟାଟିଂ କରିବା ନ୍ୟୁଜିଲାଣ୍ଡ ପାଇଁ ବୁମେରାଂ ପାଲଟିଥିଲା । ଲଗାତର ଅନ୍ତରାଳରେ ପ୍ୟାଭିଲିୟନ ଫେରିଥିଲେ ନ୍ୟୁଜିଲାଣ୍ଡ ବ୍ୟାଟର । ସିଂହଳୀ ବୋଲରଙ୍କ ଘାତକ ବୋଲିଂକୁ ସାମ୍ନା କରିବାରେ ବିଫଳ ହୋଇଥିଲେ କିଓ୍ୱି ବ୍ୟାଟର । ମଧ୍ୟକ୍ରମରେ ବ୍ୟାଟିଂ କରିବାକୁ ଆସିଥିବା ଗ୍ଲେନ୍ ଫିଲିକ୍ସ ଦମ୍ଦାର ଶତକକୁ ଛାଡି ଅନ୍ୟ କୌଣସି ବ୍ୟାଟସମ୍ୟାନ୍ ବଡ଼ ସ୍କୋର କରିବାରେ ବିଫଳ ହୋଇଥିଲେ । କେବଳ ଡାରି ମିକେଲ୍ ଓ ମିଚେଲ୍ ଷ୍ଟନରଙ୍କୁ ଛାଡି ଆଉ କୌଣସି ବ୍ୟାଟସମ୍ୟାନ୍ ଦୁଇ ଅଙ୍କ ଛୁଇଁପାରିନଥିଲେ । ୬୪ ବଲ୍ର ସାମ୍ନା କରି ଗ୍ଲେନ୍ ଫିଲିକ୍ସ ୧୦୪ ରନ୍ କରିଥିଲେ । ଫଳରେ ଟିମ୍ର ମୋଟ୍ ସ୍କୋର ୨୦ ଓଭରରେ ୧୬୭ରେ ପହଞ୍ଚିଥିଲା ।
ତେବେ ଶ୍ରୀଲଙ୍କା ପକ୍ଷରୁ କସୁନା ରାଜିଥା ୪ ଓଭର ବୋଲିଂ କରି ୨୩ ରନ୍ ଦେଇ ସର୍ବାଧିକ ୨ଟି ଓ୍ୱିକେଟ୍ ନେଇଥିବା ବେଳେ ମାହେଶ ଥିକସାନା ୪ ଓଭର ବୋଲିଂ କରି ୩୫ ରନ୍ ଦେଇ ଗୋଟିଏ ଓ୍ୱିକେଟ୍ ନେବାରେ ସକ୍ଷମ ହୋଇଥିଲେ । ସେହିପରି ଧନଞ୍ଜୟ ଡିସଲ୍ଭା ୨ ଓଭର ବୋଲିଂ କରି ୧୪ ରନ୍ ଦେଇଥିବା ବେଳେ ହସରଙ୍ଗା ୪ ଓଭର ବୋଲିଂ କରି ୨୨ ରନ୍ ଦେଇ ଗୋଟିଏ ଓ୍ୱିକେଟ୍ ନେଇଛନ୍ତି । ଶ୍ରୀଲଙ୍କା ପକ୍ଷରୁ ଚାମିକା କରୁଣାରତ୍ନେ ୩ ଓଭରରେ ୩୪ ରନ୍ ଖର୍ଚ୍ଚ କରିଛନ୍ତି ।