ପଟ୍ଟାମୁଣ୍ଡେଇ ୫/୩ : ନର୍ସିଂଛାତ୍ରୀଙ୍କ ସନ୍ଦେହ ଜନକ ମୃତ୍ୟୁ । ପଟ୍ଟାମୁଣ୍ଡାଇ ପୌର ପରିଷଦ ଅନ୍ତଗର୍ତ୧୯ ନମ୍ବର ୱାର୍ଡରେ ବେଲତଳ ଗାଁରେ ଏକ ଭଡା ଘରେ ରହୁଥିଲେ ନର୍ସିଙ୍ଗ ଛାତ୍ରୀ । ମୃତ ଛାତ୍ରୀ ହେଲେ ସରୋଜିନୀ ଦାସ । ଗତକାଲି ବିଳମ୍ବିତ ରାତିରେ ଝୁଲନ୍ତା ଅବସ୍ଥାରେ ସରୋଜିନୀଙ୍କ ପ୍ରୂତଦେହ ଉଦ୍ଧାର କରିଛି ପଟ୍ଟାମୁଣ୍ଡାଇ ପୋଲିସ ।
{"id":90741}![](https://www.prameyanews7.com/wp-content/uploads/2019/03/vlcsnap-0971-11-05-13h27m29s340.jpg)
ସରୋଜିନୀଙ୍କ ଘର ଯାଜପୁରର ଇଟାପଡ଼ାଗାଁରେ ବୋଲି ଜଣାପଡିଛି । ସରୋଜିନୀ ଏକ ଭଡା ଘରେ ରହି ରମାଦେବୀ ନର୍ସିଂ କଲେଜରେ ପ୍ରଥମ ବର୍ଷରେ ପାଠ ପଢୁଥିଲେ । ତେବେ ମୃତ୍ୟୁର କାରଣ ଏବେବି ଅସ୍ପଷ୍ଟ ରହିଛି | ପଟାମୁଣ୍ଡାଇ ପୋଲିସ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ତଦନ୍ତ ଜାରି ରଖିଛି ।
{"id":90742}![](https://www.prameyanews7.com/wp-content/uploads/2019/03/vlcsnap-7284-01-04-20h59m29s020.jpg)
ପରିପାର୍ଶ୍ଵିକ ସୂତ୍ରରୁ ପୋଲିସ ସନ୍ଦେହ କରୁଛି ଏହା ଏକ ପ୍ରେମ ଜନିତ ଆତ୍ମହତ୍ୟା ହୋଇଥାଇପାରେ | କିନ୍ତୁ କିଛି ସ୍ପଷ୍ଟ ହୋଇନାହିଁ | ସରୋଜିନୀଙ୍କ ପରିବାର ଲୋକେ ଆସି ପହଂଚିଛନ୍ତି | ସରୋଜିନୀଙ୍କ ପରିବାର ଲୋକେ କହିଛନ୍ତି ଯେ, ଜଣେ ଯୁବକ ସରୋଜିନୀଙ୍କୁ ସବୁବେଳେ ଫୋନ କରି ହଇରାଣ ହରକତ କରିବା ସହ ଧମକ ମଧ୍ୟ ଦେଉଥିଲା | ତେବେ ସରୋଜିନୀ ଯୁବକ ପାଇଁ ଆତ୍ମହତ୍ୟା କରିଛନ୍ତି ନା ତାଙ୍କୁ କିଏ ମାରି ଝୁଲାଇ ଦେଇଛି ତାହା ପୋଲିସ ତଦନ୍ତ ପରେ ହିଁ ଜଣାପଡିବ | ସାଇଣ୍ଟିଫିକ ଟିମ ଆସି ତଦନ୍ତ ଆରମ୍ଭ କରିଛି | ପରିବାର ଲୋକେ ସ୍ଥାନୀୟ ଥାନାରେ ଏକ ଲିଖିତ ଅଭିଯୋଗ କରିଛନ୍ତି |