କଟକ ୨୯।୯: ୧୦ ଦଫା ଦାବି ନେଇ ଦୀର୍ଘ ୪ ଦିନ ଧରି କାର୍ଯ୍ୟବନ୍ଦ ଆନ୍ଦୋଳନ ଜାରି ରଖିଥିବା ନର୍ସିଂ ଅଫିସର ମାନେ ଗତ ଶନିବାର ରାତିରେ ଆନ୍ଦୋଳନ ପ୍ରତ୍ୟାହୃତ କରିଛନ୍ତି । ସଂଘର ଦାବିକୁ ପୂରଣ କରିବା ପାଇଁ ସ୍ବାସ୍ଥ୍ୟ ମନ୍ତ୍ରୀ ମାସେ ସମୟ ନେଇଥିବା ବେଳେ ଶନିବାର ଠାରୁ ସମସ୍ତ ନର୍ସିଂ ଅଫିସର ମାନେ କାର୍ଯ୍ୟରେ ଯୋଗ ଦେଇଛନ୍ତି । ରବିବାର ସକାଳୁ କଟକ ଏସ୍‌ସିବିରେ ମଧ୍ୟ ନର୍ସିଂ ଅଫିସର ମାନେ ନିଜର ସିଫ୍ଟ ଅନୁଯାୟୀ ନିଜ ନିଜ ବିଭାଗକୁ ଯାଇ କାର୍ଯ୍ୟରେ ଯୋଗ ଦେଇଛନ୍ତି । ନର୍ସିଂ ଅଫିସର ମାନେ ଆନ୍ଦୋଳନରେ ବସିଥିବା ଟେଣ୍ଟ ମଧ୍ୟ ଖୋଲାଯାଇଛି । ଦାବି ପୂରଣ ପାଇଁ ମାସେ ସମୟ ସରକାର ନେଇଥିବା ବେଳେ ଏହା ନିଶ୍ଚୟ ପୂରଣ ହେବ ବୋଲି ନର୍ସିଂ ଅଫିସର ମାନେ ଆଶା ଓ ବିଶ୍ୱାସ ରଖିଛନ୍ତି ।

You Can Read:

ମନ୍ଦିର ନିକଟରେ ନଡ଼ିଆ ବିକାଳୀଙ୍କ ଉପରେ ମାଡ଼ିଗଲା କାର୍, ଘଟଣାସ୍ଥଳରେ ମହିଳାଙ୍କ ମୃତ୍ୟୁ